firstnewsreport

চাবুৱাঃ  ডিব্ৰুগড়ৰ ইছলাম ধৰ্মী লোকসকলে দেশৰ অন্যান্য ঠাইৰ লগতে ডিব্ৰুগড়তো আজি ( সোমবাৰ )শান্তিপূৰ্ণ ভাৱে ঘৰতে পৰিয়ালৰ সৈতে ঈদ উৎসৱ আৰু  ঈদৰ নামাজ  সম্পন্ন কৰে ।এই ঈদক 'ঈদ উল ফিটৰ' বুলি কোৱা হয় । ফিটৰা বা দান দিয়া হয় বাবে এই ঈদক ঈদুল ফিটৰ বা দানৰ উৎসৱ  বুলি কোৱা হয়। সম্প্ৰতি সমগ্ৰ বিশ্বতে ক'ৰোণা মহামাৰীয়ে যি তাণ্ডৱৰ সৃষ্টি কৰিছে তাৰ পৰা মানৱ জাতিয়ে পৰিত্ৰাণ পাবলৈ ভাৰত চৰকাৰৰ লগতে অসম চৰকাৰে  লক ডাউনৰ বাবে যি নীতি নিৰ্দেশনা জাৰি কৰিছে তাৰ প্ৰতি পূৰ্ণ সমৰ্থন জনাই ডিব্ৰুগড়ত থকা  দুখনকৈ ঈদগাহ ক্ৰমে গ্ৰাহাম বজাৰত থকা  'কেন্দ্ৰীয় ঈদগাহ' আৰু আমোলাপট্টিৰ " আলহজ জালাল উদ্দিন আহমেদ  ঈদগাহ ময়দান " সম্পূৰ্ণ ৰূপে বন্ধ ৰখাৰ পৰিপ্ৰেক্ষিতত  আজি নিজৰ নিজৰ বাসগৃহৰ চৌহদত পৰিয়ালৰ লগত সম্পূৰ্ণ ভাৱে সামাজিক ব্যৱধান মানি লৈ ঈদৰ দুই ৰাকাত "ৱাজীৱ নামাজ" সম্পন্ন কৰে। ডিব্ৰুগড় জিলাত থকা  ২৭ টা মছজিদতো সামাজিক ব্যৱধান মানি তিনি চাৰি জনৰ ভিতৰতে সীমাবদ্ধ ৰাখি  ঈদৰ নামাজ শান্তিপূৰ্ণ ভাবে আদায় কৰে। ঈদৰ দিনাখন সৰুৱে ডাঙৰক 'তছলিম 'কৰাৰ লগতে আলিংগন কৰাৰ প্...

বঙাইগাঁওঃ২৫ মেঃ কোৰোনা ভাইৰাছ প্ৰতিৰোধৰ পৰিপ্ৰেক্ষিতত চৰকাৰে গ্রহণ কৰা নীতিত অভূতপূর্ব সঁহাৰি জনাই বঙাইগাঁৱৰ মুছলমান সম্প্রদায়ৰ জনগণে সোমবাৰে ঈদুল ফিতৰৰ নামাজ নিজ নিজ ঘৰতে আদায় কৰে। উল্লেখ্য যে ত্যাগ আৰু আত্মসংযমেৰে এমাহ ৰমজানৰ ৰোজা পালন কৰাৰ অন্তত সোমবাৰৰ পুৱাৰ ভাগত ঈদুল ফিতৰৰ নামাজ আদায় কৰি পৰম আল্লাহ তায়ালাৰ ওচৰত তেওঁলোকে প্ৰাৰ্থনা কৰে। তেওঁলোকে লগতে বিশ্বত শান্তি প্ৰতিষ্ঠা,কোৰোনা মহামাৰীৰ পৰা মানৱ সমাজক ৰক্ষা কৰাৰ বাবেও আল্লাহৰ ওচৰত প্ৰৰ্থনা জনায় । ইপিনে লকডাউনৰ মাজতে উদযাপিত ঈদুল ফিতৰ উপলক্ষে লোকসকলে নিজ নিজ ঘৰত তেওঁলোকৰ সামৰ্থ অনুসৰি পায়স,চেৱাই, পিঠা-পনা, খিচিৰি আদি ব্যঞ্জনৰ আয়োজন কৰে।

সঞ্জীৱ দাস, ভৱানীপুৰ, ২৫ মে': ভৱানীপুৰ ব্যৱসায়ী সন্থাৰ একালৰ সতীৰ্থ দিগন্ত ডেকাৰ মৃত্যুত আজি ভৱানীপুৰ ব্যৱসায়ী সন্থাৰ অন্তৰ্গত সমূহ ব্যৱসায়ীক প্ৰতিস্থান বন্ধ থাকে। উল্লেখ্য যে, যোৱা ২৩ মে'ত নহাটীৰ দিগন্ত নামৰ যুৱকজন এক পথ দুৰ্ঘটনাত অকালতে মৃত্যুক সাৱটি লয়। এসময়ত ভৱানীপুৰ চ'ক বজাৰত এখন ক্ষুদ্ৰ চাহৰ দোকান দি জীৱন নিৰ্বাহ কৰা দিগন্তৰ মৃত্যুত আজি ভৱানীপুৰ ব্যৱসায়ী সন্থাই তেওঁলোকৰ অন্তৰ্গত সমূহ দোকান-পোহাৰ পুৱা ৬ বজাৰ পৰা গধূলি ৬ বজালৈ বন্ধ ৰখাৰ আহ্বান জনাই আৰু এই আহ্বানক সঁহাৰি জনাই ভৱানীপুৰৰ সমূহ ব্যৱসায়ীক প্ৰতিস্থান বন্ধ ৰাখে।

চাবুৱাঃ মানুহজনৰ নাম সনাতন ডেকা। ঘৰ হাজোৰ তেতেলিয়া গাঁৱৰ। পাচলি বিক্ৰী কৰি পৰিয়াল পোহপাল দিয়া হাজোৰ সনাতন ডেকা নামৰ ৪৫ বছৰীয়া ব্যক্তিজনক আজি নৃশংসভাৱে হত্যা কৰে। এই ঘটনাক কেন্দ্ৰ কৰি ৰাজ্যজুৰি প্ৰতিক্ৰিয়াৰ সৃষ্টি কৰিছে। জানিব পৰা মতে আন দিনাৰ দৰে ২২ মে’ত সনাতন ডেকাই পাচলি বিক্ৰীৰ বাবে নিজৰ চাইকেলখন লৈ ওলাই গৈছিল। কিন্তু হঠাৎ সনাতনে চাইকেলখনেৰে হাজোৰ মনাহকুছিত আব্দুল জলিল নামৰ ব্যক্তিজনৰ গাড়ীত খুন্দা মাৰে। ইফালে এইঘটনাক লৈ দুয়োৰে মাজত তৰ্কাতৰ্কিৰ সৃষ্টি হয়। এই ঘটনাৰ পিছতে সনাতন ডেকাৰ ওপৰত ফাইজুল আৰু জলিলে জঁপিয়াই পৰে। পৰৱৰ্তী সময়ত ঘটনাস্থলীত চবিৰ আলী, ইউচুব আলী আৰু ফিৰজাহান আলী উপস্থিত হৈ পাঁচোজনে মিলি সনাতনক উপৰ্যুপৰি প্ৰহাৰ কৰে মূৰ আৰু বুকুত যথেষ্ট আঘাত পোৱা সনাতনে অৱশেষত কালি নিশা জি এন আৰ চি হস্পিতালত শেষ নিশ্বাস ত্যাগ কৰে। উল্লেখ্য যে, এটা কোম্পানীত শ্ৰমিক হিচাপে কাম কৰা সনাতনে লক্ডাউনৰ সময়ত আৰ্থিক সংকটৰ বাবে পাচলিৰ ব্যৱসায় কৰিবলৈ আৰম্ভ কৰিছিল। সম্প্ৰতি নৃশংস হত্যাকাণ্ডটোক লৈ অঞ্চলজুৰি চাঞ্চল্যৰ সৃষ্টি কৰাৰ লগতে দোষীক উপযুক্ত শাস্তি প্ৰদান কৰিবলৈ দাবী জনাইছে বৃহত্তৰ অস...

চাবুৱাঃলকডাউনৰ মাজতে চাবুৱাত সংঘটিত হৈছে এক নৃশংস হত্যা কাণ্ডৰ ঘটনা। এটা ১৫ জনীয়া দলৰ দলবদ্ধ আক্ৰমনত মৃত্যুক আঁকোৱালি ল’লে চাবুৱাৰ পৰাগজ্যোতি নেওগ নামৰ যুৱকজন। চাবুৱা কয়লাবাৰী বাইপাছত সাধাৰণ দোকান দি পৰিয়াল পোহপাল দিয়া পৰাগজ্যোতি নেওগৰ হত্যাকাণ্ডৰ ঘটনা আজি পুৱাহে পোহৰলৈ আহে। পৰাগজ্যোতি নেওগ নামৰ যুৱকজনে বাইপাছত দোকান দিয়াৰ ঘটনাক কেন্দ্ৰ কৰিয়েই হত্যাকাণ্ডৰ সন্দেহ কৰা হৈছে। অৱশ্যে আৰক্ষীয়ে সাধাৰণ কাজিয়াৰ ফলতে হত্যাকাণ্ডটো সংঘটিত হোৱা বুলি উল্লেখ কৰিছে যদিও স্থানীয় লোকে মাটি-বাৰীৰ সংক্ৰান্ততে হত্যাকাণ্ড সংঘটিত হোৱা সন্দেহ কৰিছে। ইফালে ঘটনা সন্দৰ্ভত আৰক্ষীয়ে ২০ জনক আটক কৰি সোধাপোচা আৰম্ভ কৰিছে। ডিব্ৰুগড় জিলা অতিৰিক্ত আৰক্ষী অধীক্ষক পদ্মনাথ বৰুৱাৰ নেতৃত্বত চলা তদন্তত গনেশ চুৰেন, ৰাজীৱ চুৰেন, কুলদীপ হেমৰম, মনোজ চুৰেন, মহেশ মাৰ্দী, ৰাজু মাঝী, ৰমেশ চুৰেন, শংকৰ চুৰেন, পৰেশ চুৰেন, দিনেশ চুৰেন আৰু বিষ্ণু হেমৰমক গ্ৰেপ্তাৰ কৰিছে। ইফালে চাবুৱা আৰক্ষীয়ে ঘটনা সন্দৰ্ভত বৰ্তমানেও তদন্ত অব্যাহত ৰাখিছে।

 গোলাঘাট, ২৫ মে :----- পুনৰ গোলাঘাটত কৰ'না পজিটিভ ৰোগীৰ উপস্থিতিয়ে এক আতংকময় পৰিবেশৰ সৃষ্টি কৰিছে। বৰ্তমানে বৰ্হিৰাজ্যৰ পৰা অহা ১৮ জনৰ দেহত ক'ভিড - ১৯ মহামাৰীৰ উপস্থিতি ধৰা পৰিছে। আজি পুৱাই জিলা প্ৰশাসনৰ তৰফৰ পৰা এই কথা সদৰি কৰে। তথ্য অনুসৰি ১৮ জনৰ ১০ জনেই মেৰাপানী অঞ্চলৰ । তেওঁলোক হৈছে ক্ৰমে , বন্তী সোনোৱাল (৪২) মেৰাপানী, দেৱজিৎ চেতিয়া (২০) মেৰাপানী, বিশাল বিশ্বকৰ্মা (২৫) চিচুপানী, লক্ষী দাস (৩৫) নলনীপথাৰ , লোকেশ্বৰ দাস(২২) নলনীপথাৰ, নিতুমনি দাস (১৯) নলনীপথাৰ, বিশ্বজিৎ কৰ্মকাৰ (২৩) মেৰাপানী, বিটু দলে( ২২) মেৰাপানী, পৰী চুতীয়া (২৩) মেৰাপানী, ডনজয় সোনাৰী (২৪) মেৰাপানী, বিতুপন সোনোৱাল (২৪) মেৰাপানী, হৰি প্ৰসাদ বৰুৱা(৩১)মেৰাপানী, দৌকণ চুতীয়া (২৪) কাছমাৰী,  মানসী বৰা ( ২১) মদুপুৰ ,ফজল পেগু (২৩) গমাৰী, যদুমনি বৰুৱা(২৭) কাছমাৰী , দীপক গগৈ (৩৩) মেৰাপানী ,বুদ্ধেশ্বৰ ৰৱিদাস (৩১) মেৰাপানী । এই সকলো কেইজন গোলাঘাট চহৰৰ মহেশ্বৰী বিবাহ ভৱনত কোৱাৰেন্টাইন ত আছিল যদিও আজি তেওঁলোকক শ্বহীদ কুশল কোঁৱৰ অসামৰিক চিকিৎসালয়ত স্থাপন কৰা ক'ভিড চিকিৎসালয়লৈ প্ৰেৰণ কৰে।

সঞ্জীৱ দাস, ভৱানীপুৰ, ২৫ মে': বিশ্বত কৰোনা ভাইৰাছে সন্ত্ৰাসৰ সৃষ্টি কৰাৰ ফলত গোটেই দেশজুৰি লকডাউন হৈ থকাৰ পৰিপ্ৰেক্ষিপত বিটিচি নিৰ্বাচন স্থগিত আছে যদিও সামাজিক আৰু শাৰীৰিক দূৰত্ব বজাই ৰাখি ইউপিপিএল দলত যোগদান কাৰ্যসূচী অব্যাহত আছে বিটিচিৰ শালবাৰী মহকুমাত। দেওবাৰে শালবাৰী মহকুমাৰ অন্তৰ্গত ২০ নং মথনগুৰি সমষ্টি আৰু ২১ নং শালবাৰী সমষ্টিৰ সীমান্তৱৰ্তী আটা গাঁৱত অনুষ্ঠিত ইউপিপিএল দলৰ বৈঠকত ১৬ গৰাকী লোকে ইউপিপিএল দলত যোগদান কৰে। উল্লেখ্য যে, মথনগুৰি সমষ্টিত ভাৰতীয় গণ পৰিষদৰ প্ৰাৰ্থীৰূপে ইতিমধ্যে মনোনয়ন দাখিল কৰা প্ৰাৰ্থী তথা দলটোৰ নেতা সুবল চন্দ্ৰ দাসৰ নেতৃত্বত মুঠ ১৬ গৰাকী দলীয় কৰ্মী-সমৰ্থকে ইউপিপিএলত যোগদান কৰে। ভাৰতীয় গণ পৰিষদ দলৰ প্ৰাৰ্থী সুবল চন্দ্ৰ দাস, দলটোৰ সক্তিয় সদস্য খুছী দাস, গৌৰী শংকৰ ব্ৰহ্ম, পিংকু নাথ, সমৰ্থক ক্ৰমেঃ গৌৰাংগ চেত্ৰী, আনন্দ সৰকাৰ, গকুল দাস, অশোক ঠাকুৰ, বকুল চৌধুৰী, মীৰা দাস, হিতেশ ব্ৰহ্ম, মলয় সিং, নীলকমল সৰকাৰ, প্ৰহ্লাদ দাসে ইউপিপিএলত যোগদান কৰে। যোগদান কৰাসকলক গামোছাৰে আদৰণি জনায় ইউপিপিএলৰ শালবাৰী জিলা সমিতিৰ সভাপতি যোগেশ্বৰ বসুমতাৰী, সাধাৰণ সম্পাদক...