ভৱানীপুৰ ব্যৱসায়ী সন্থাৰ বন্ধ ঘোষণাক পালন

সঞ্জীৱ দাস, ভৱানীপুৰ, ২৫ মে': ভৱানীপুৰ ব্যৱসায়ী সন্থাৰ একালৰ সতীৰ্থ দিগন্ত ডেকাৰ মৃত্যুত আজি ভৱানীপুৰ ব্যৱসায়ী সন্থাৰ অন্তৰ্গত সমূহ ব্যৱসায়ীক প্ৰতিস্থান বন্ধ থাকে। উল্লেখ্য যে, যোৱা ২৩ মে'ত নহাটীৰ দিগন্ত নামৰ যুৱকজন এক পথ দুৰ্ঘটনাত অকালতে মৃত্যুক সাৱটি লয়। এসময়ত ভৱানীপুৰ চ'ক বজাৰত এখন ক্ষুদ্ৰ চাহৰ দোকান দি জীৱন নিৰ্বাহ কৰা দিগন্তৰ মৃত্যুত আজি ভৱানীপুৰ ব্যৱসায়ী সন্থাই তেওঁলোকৰ অন্তৰ্গত সমূহ দোকান-পোহাৰ পুৱা ৬ বজাৰ পৰা গধূলি ৬ বজালৈ বন্ধ ৰখাৰ আহ্বান জনাই আৰু এই আহ্বানক সঁহাৰি জনাই ভৱানীপুৰৰ সমূহ ব্যৱসায়ীক প্ৰতিস্থান বন্ধ ৰাখে।