দিহিং পাটকাই অভয়াৰণ্যত কয়লা খনন কাৰ্যক বিৰোধহাতত প্লে' কাৰ্ড লৈ বজালীত প্ৰতিবাদ যুৱ-ছাত্ৰ পৰিষদৰ

দিহিং পাটকাই অভয়াৰণ্যত কয়লা খনন কাৰ্যক বিৰোধ

হাতত প্লে' কাৰ্ড লৈ বজালীত প্ৰতিবাদ যুৱ-ছাত্ৰ পৰিষদৰ

সঞ্জীৱ দাস, ভৱানীপুৰ, ২৩ মে': কেন্দ্ৰীয় চৰকাৰে পূৱ আমাজন খ্যাত দিহিং পাটকাই বৰ্ষাণ্যত কয়লা খনন কৰাৰ সিদ্ধান্ত গ্ৰহণ কৰাৰ পাছতেই গোটেই অসমতেই এক প্ৰতিবাদ মুখৰ পৰিৱেশ দেখা গৈছে। ছ'চিয়েল মিডিয়াকে ধৰি বহু ঠাইতে প্ৰকৃতিপ্ৰেমী, দল-সংগঠনৰ নেতৃবৃন্দই এই কয়লা খনন কাৰ্যৰ বিৰোধিতা কৰি প্ৰকৃতি ধ্বংস কৰিবলৈ ওলোৱা চৰকাৰক সকীয়াই দিয়ে। আজি বজালীতো অসম জাতীয়তাবাদী যুৱ-ছাত্ৰ পৰিষদে প্ৰতিবাদ কৰা দেখা গৈছে। জাতীয়তাবাদী যুৱ-ছাত্ৰ পৰিষদ পূৱ হস্তিনাপুৰ আৰু সৰুপেটা আঞ্চলিক সমিতিয়ে আজি বজালীস্থিত পহুমাৰা চাপৰিত সামাজিক দূৰত্ব মানি চলি হাতত প্লে'কাৰ্ড লৈ কয়লা খননৰ বিৰোধিতাৰে প্ৰতিবাদ সাব্যস্ত কৰে। আজিৰ এই প্ৰতিবাদী কাৰ্যসূচীত যুৱ-ছাত্ৰ পৰিষদৰ কেন্দ্ৰীয় সহঃ সাধাৰণ সম্পাদক বিজন বায়ন, বজালী জিলা সমিতিৰ সাধাৰণ সম্পাদক লক্ষেশ্বৰ দাস, বুবুল পাটগিৰিকে ধৰি সংগঠনটোৰ বহুকেইজন নেতৃবৃন্দ উপস্থিত থাকে।