বৰপেটাত পুনৰ ক'ৰনাত আক্ৰান্ত তিনিজন

বৰপেটাৰ পৰা  কঞ্জল দাস ফাৰ্ষ্ট নিউজ ৰিপ'ৰ্ট, ৩০ মে' : সমগ্ৰ দেশতেই ক'ৰনা মহামাৰীয়ে ভয়াবহ ৰূপ ধাৰণ কৰাৰ সময়তেই বৰপেটাবাসীৰ বাবে আহিছে এই দু:খবৰ। বৰপেটা জিলাৰ বিভিন্ন কোৱাৰেন্টাইন কেন্দ্ৰত থকা তিনিজন ব্যক্তিৰ ইতিমধ্যে ক'ৰনা পজিটিভ বুলি জানিব পৰা গৈছে।জানিব পৰা মতে , বৰপেটা জিলাৰ চান্দমামা গাঁৱৰ মনিৰুজ জামান ( ২১), ভোগদিয়াৰ মুছাৰফ হুছেইন, ( ১৯) আৰু কুকাৰপাৰৰ , লোকমান খান,( ১৮)ৰ দেহত কোভিড- ১৯ ৰ অৱস্থিতি ধৰা পৰিছে। এই আটাইকেজনকে ভৱানীপুৰ প্ৰাথমিক স্বাস্থ্য কেন্দ্ৰত পৰীক্ষাৰ অন্তত ক'ভিড১৯ পজিটিভ বুলি নিশ্চিত হয়।ইতিমধ্যে লোক তিনিজনক বৰপেটা চিকিৎসা মহাবিদ্যালয়লৈ প্ৰেৰণ কৰা হৈছে।