firstnewsreport

নগাঁৱৰ পৰা জয়ন্ত মুদৈ, ১ ফেব্ৰুৱাৰীঃ ডিব্ৰুগড় জিলাৰ পানীতোলা ব্লকৰ ওদালগুৰি গাঁৱত দেওঁবাৰে ঋণগ্ৰস্ত শ্ৰমজীৱী মহিলা সকলৰ এখনি সভা অনুষ্ঠিত হয়। সভাত ঋণগ্ৰস্ত মহিলা সকলে তেওঁলোকৰ ওপৰত চলা দুৰ্দশাৰ বৰ্ণনা কৰাৰ লগতে বিগত সময়চোৱাত ঋণৰ কিস্তি আদায়ৰ নামত ঘৰৰ টিনপাত, আলমাৰী, টি ভি, চাইকেল, গৰু, ছাগলীকে ধৰি বহু সামগ্ৰী বিক্ৰী কৰিবলগীয়া হোৱাৰ উপৰি বৰ্তমানেও কেইবাটাও পৰিয়াল গাঁৱৰ পৰা পলায়ন কৰা তথা কেইবাগৰাকীও মহিলা নিখোঁজ হৈ থকাৰ কথা ব্যক্ত কৰে ৷ সদৌ অসম গ্ৰামীণ শ্ৰমিক সন্থাৰ ৰাজ্যিক সভাপতি শুভ্ৰজ্যোতি বৰ্দ্ধন আৰু সাধাৰণ সম্পাদক তথা মাইক্ৰ'ফাইনেন্স শোষণ বিৰোধী যৌথ সংগ্ৰামী মঞ্চৰ অসমৰ মুখ্য আহ্বায়ক অৰূপ কুমাৰ মহন্তই এক প্ৰেছ বিবৃতিৰ জড়িয়তে এই কথা জানিব দিয়ে ৷ নেতাদ্বয়ে লগতে বিবৃতিটোত প্ৰকাশ কৰে যে- যদিও চৰকাৰে মাইক্ৰ'ফাইনেন্সৰ বিৰুদ্ধে বিধেয়ক উত্থাপন কৰিছে কিন্তু ই কাৰ্যতঃ বৰ্তমানলৈকে অন্তঃসাৰশূন্য হৈ আছে ৷ আচলতে অধ্যাদেশ গ্ৰহণ কৰাৰ পাছৰে পৰাই মাইক্ৰ'ফাইনেন্স কোম্পানী সমূহৰ এজেণ্ট সকলে ঋণী সকলৰ ঘৰে ঘৰে গৈ ভাবুকি দিয়া ক্ৰমশঃ বাঢ়িছেহে । সেয়ে ঋণমুক্তিৰ দাবীত ঋণগ্ৰস

ভাৰতীয় জনতা পাৰ্টিৰ অনুসূচিত জাতি মৰ্চাৰ অসম ৰাজ্যিক সমিতিৰ উদ্যোগত আৰু গোৱালপাৰা অনুসুচিত জাতি মৰ্চাৰ সহযোগত আজি দুপৰীয়া কৃষ্ণাই বেকিপুলৰ পৰা ওলায় এক বৃহৎ  চাইকেল ৰেলি ৷ চাইকেল ৰেলিৰ শুভাৰম্ভ কৰে দুধনৈ বিধান সভা সমষ্টিৰ বিধায়ক দীপক কুমাৰ ৰাভাই ৷ মূলতঃ সাংগঠনিক ভেটি আৰু অধিক সুদৃঢ় কৰাৰ মানসেৰে অনুসূচিত জাতি মৰ্চাই উলিওৱা এই চাইকেল ৰেলিৰ প্ৰাক ক্ষণত বিধায়ক দীপক কুমাৰ ৰাভাই এই চাইকেল ৰেলিৰ যোগেদি জিলা খনত আগন্তুক ২০২১ ৰ নিৰ্বাচনী ৰণডংকা বজোৱা বুলি ঘোষণা কৰে ৷ সমষ্টিটোত বিজেপি এতিয়া অপ্ৰতিৰোধ্য বুলি উল্লেখ কৰে ৷ ২০১৬ চনত দুধনৈ সমষ্টিত বিজেপিয়ে ৮০ হাজাৰোধিক ভোটত বিজয় লাভ কৰি ভেটি মজবুত কৰিছিল ৷ আগন্তুক নিৰ্বাচনত বিজেপি দলে এক লাখ বিশ হাজাৰোধিক ভোটত জয় যুক্ত হ’ব বুলি বিধায়ক গৰাকীয়ে দাবী কৰে ৷ আজি অনুষ্ঠিত চাইকেল ৰেলিত  বিধায়ক দীপক কুমাৰ ৰাভাৰ উপৰি ভাগ লয় গোৱালপাৰাৰ বিজেপিৰ উপ সভানেত্ৰী টিনামণি দৈমাৰী,গোৱালপাৰা জিলাৰ অনুসূচিত জাতি মৰ্চাৰ সভাপতি ৰূপম কুমাৰ দাস,অনুসুচিত জাতি মৰ্চাৰ ৰাজ্যিক সাধাৰণ সম্পাদক নীলকান্ত দাস আদিৰ লগতে বহু সংখ্যক নেতা কৰ্মীয়ে অংশ গ্ৰহণ কৰে ৷ কৃষ্ণাইৰ পৰা কন

টিম হিউমিনিটিৰ ৰক্তদান আৰু সজাগতা শিবিৰ  কৃষ্টি-সংস্কৃতি-সাহিত্যক আগত লৈ বজালীৰ ভৱানীপুৰত সাদিনীয়া বৰ্ণাঢ্য কাৰ্যক্ৰমণিকাৰে অনুষ্ঠিত তৃতীয় সংখ্যক পহুমাৰা মহোৎসৱৰ আজি সফল সামৰণি ঘটে। আজি অন্তিম দিনৰ কাৰ্যক্ৰমণিকা মতে, পুৱা ১০ বজাত চিত্ৰাংকন প্ৰতিযোগিতা, পুৱা ১১ বজাত টিম হিউমিনিটি বজালী জিলাৰ উদ্যোগত ৰক্তদান আৰু সজাগতা শিবিৰ অনুষ্ঠিত হয়। ভৱানীপুৰ স্বাস্থ্যকেন্দ্ৰ চিকিৎসক ডাঃ তাৰিফ হুছেইনে সঞ্চলনা কৰা ৰক্তদান আৰু সজাগতা শিবিৰখনত মুখ্য অতিথি হিচাপে উপস্থিত থাকে টিম হিউমিনিটিৰ বজালী জিলা সমিতিৰ উপদেষ্টা জয়কান্ত তালুকদাৰ, সভাপতি টিকেন্দ্ৰ দাস, উপ সভাপতি হিৰেণ তালুকদাৰ, ফখৰুদ্দিন আলী আহমদ মহাবিদ্যালয় হাস্পতালৰ ব্লাড বেংকৰ ড° অমৰজ্যোতি দাসকে ধৰি মহোৎসৱৰ সদস্যসকল উপস্থিত থাকে আৰু দুকুৰি লোকে ৰক্তদান কৰে। ইয়াৰ পাছতেই সন্ধিয়া ৬ বজাত তৃতীয় সংখ্যক পহুমাৰা মহোৎসৱৰ সামৰণি সভা অনুষ্ঠিত হয়। তৃতীয় সংখ্যক পহুমাৰা মহোৎসৱ আয়োজক সমিতিৰ সভাপতি পুলকানন্দ তালুকদাৰে সভাপতিত্ব কৰা সভাত সৰভোগ বিধানসভা সমষ্টিৰ বিধায়ক ৰণজিৎ কুমাৰ দাস মুখ্য অতিথি হিচাপে উপস্থিত থাকে। ইপিনে, নিশা ৯ বজাত সাংস্কৃতিক সন্ধিয়া

নগাঁৱৰ পৰা জয়ন্ত মুদৈ, ৩১ জানুৱাৰীঃ নগাঁও আৰু মৰিগাঁও জিলাৰ সীমান্তবৰ্তী কপাহেৰাৰ ছ্যুকাফা সমন্বয় ক্ষেত্ৰত ব্যাপক উৎসাহ-উদ্দীপনাৰ মাজেৰে দুদিনীয়া বিস্তৃত কাৰ্যক্ৰমণিকাৰে মে-ডাম-মেফি উৎসৱটি উদযাপনৰ কৰা হয় ৷ মৰিগাঁও জিলাৰ টাইপাৰ উদ্যোগত তথা নগাঁও, মৰিগাঁও আৰু কামৰূপ জিলাৰ টাই আহোম ৰাইজৰ সহযোগত আয়োজিত এই উৎসৱটি উপলক্ষে ছ্যুকাফা সমন্বয় ক্ষেত্ৰত উদুলি-মুদুলি পৰিবেশৰ সৃষ্টি হয় ৷ কাৰ্যসূচী অনুসৰি কালি প্ৰথম দিনা সন্ধিয়া ৬ বজাত ফী মুঙ পূজা আৰম্ভ কৰা হয় ৷ ইফালে, আজি দ্বিতীয় দিনা ৯ বজাত উদযাপন সমিতিৰ সভাপতি ঠগীত চন্দ্ৰ বৰুৱাই পতাকা উত্তোলন কৰাৰ পিছতে মৰিগাঁও জিলা প্ৰাথমিক শিক্ষা বিষয়া কমলজ্যোতি গগৈয়ে মৈদাম তৰ্পন কৰাৰ লগতে চাওলুং ছ্যুকাংফাৰ প্ৰতিমূৰ্তিত মাল্যাৰ্পণ কৰে টাইপাৰ মৰিগাঁও জিলা সমিতিৰ সভাপতি দিব্যজ্যোতি সন্দিকৈয়ে ৷ ইয়াৰ পিছতে সমূহীয়া প্ৰাৰ্থনা আৰু পৰম্পৰাগত পূজা অনুষ্ঠিত কৰা হয় ৷ বিয়লি ১ বজাৰ পৰা বিশিষ্ট লেখক তথা উদযাপন সমিতিৰ সভাপতি ঠগীত চন্দ্ৰ বৰুৱাৰ পৌৰহিত্যত মুকলি সভা অনুষ্ঠিত কৰা হয় ৷ চৰাইবাহী উচ্চতৰ মাধ্যমিক বিদ্যালয়ৰ অধ্যক্ষা ৰেখামণি বুঢ়াগোঁহাইয়ে শুভ উদ্বোধন কৰা সভাখন

নগাঁৱৰ পৰা জয়ন্ত মুদৈ, ৩১ জানুৱাৰীঃ মাধৱ সংস্কৃতি ন্যাসৰ উদ্যোগত আৰু শ্ৰীশ্ৰী বটদ্ৰৱা থান পৰিচালনা সমিতিৰ সহযোগত অনুষ্ঠিত হৈ থকা মহাপুৰুষ শ্ৰীমন্ত শংকৰদেৱ মহোৎসৱৰ আজি অন্তিম দিনা গুৰুজনাৰ ওপজাভূমিৰ লগতে ইয়াৰ দাঁতি কাষৰীয়া অঞ্চলবোৰত উদুলি-মুদুলি পৰিবেশৰ সৃষ্টিৰে এক আধ্যাত্মিক পৰিবেশৰ সৃষ্টি হয় ৷ ইয়াৰ অংশহিচাপে বটদ্ৰৱা থানৰ অন্তৰ্গত শ্ৰী শ্ৰী আইভেটি শ’লগুৰি নসত্ৰত ৰাজ্যৰ বিভিন্ন প্ৰান্তৰ লগতে বহিঃৰাজ্যৰ পৰা অহা শিল্পী দলৰ দ্বাৰা কলা-কৃষ্টি-সংস্কৃতি প্ৰদৰ্শনে উপস্থিত সহস্ৰাধিক ৰাইজক মন্ত্ৰমুগ্ধ কৰি তোলে ৷ আজি সন্ধিয়াৰে পৰা ৰাইজৰ উপস্থিতিৰে সৃষ্টি হোৱা উখল-মাখল পৰিবেশত তিনিচুকীয়াৰ সত্ৰীয়া নৃত্য দলৰ 'কেলিগোপাল নাট'ৰ দৃশ্যাংশ, মৰিগাঁৱৰ শিল্পী দলৰ থিয়নাম, বৰপেটাৰ ভবানীপুৰ শিল্পীদলৰ বৰগীতৰ লগতে ভোৰতালৰ নৃত্য, মৰিগাঁৱ দিহানামৰ দলৰ দিহানাম পৰিবেশন, বৰপেটাৰ হলীগীত, মাজুলীৰ শিল্পীৰ দ্বাৰা 'ৰাম বিজয়' ভাওনা আৰু নগাঁৱৰ কাকীৰ শিল্পীদলৰ দ্বাৰা 'পত্নী প্ৰসাদ' ভাওনা পৰিবেশন কৰে ৷ ইফালে, কালি বিশ্বনাথ চাৰিআলিৰ শিল্পীসকলে দিহানাম, লামডিঙৰ দহানামৰ দলে দিহানাম , মায়ঙ শিল্প

বঙাইগাঁওঃ ৩১ জানুৱাৰীঃ বঙাইগাঁও জিলা পথ সুৰক্ষা সমিতিৰ উদ্যোগত ৩২ সংখ্যক ৰাষ্ট্ৰীয় পথ সুৰক্ষা মাহৰ কাৰ্যসূচীৰ লগত সংগতি ৰাখি আজি বঙাইগাঁৱৰ উত্তৰ বঙাইগাঁওস্থিত জ্ঞানোদয় জাতীয় বিদ্যালয়ত এক চিত্ৰাংকন প্ৰতিযোগিতাৰ আয়োজন কৰে ৷ এই প্ৰতিযোগিতাত জিলাখনৰ বিভিন্ন বিদ্যালয়ৰ মুঠ ১৭৮ গৰাকী ছাত্ৰ-ছাত্ৰীয়ে অংশ গ্ৰহণ কৰে ৷ চতুৰ্থ শ্ৰেণীৰ পৰা দশম শ্ৰেণীৰ ছাত্ৰ-ছাত্ৰীৰ মাজত অনুষ্ঠিত এই প্ৰতিযোগিতাৰ    বিষয়বস্তু আছিল ’পথ সুৰক্ষা’ ৷ চিত্ৰাংকন প্ৰতিযোগিতাৰ আৰম্ভণিতে বঙাইগাঁও জিলা পৰিবহণ বিষয়া দ্বীপজ্যোতি নেওগে উপস্থিত ছাত্ৰ-ছাত্ৰী আৰু অভিভাৱকসকলৰ মাজত পথ সুৰক্ষা সম্পৰ্কে এক সজাগতামূলক বক্তব্য আগবঢ়ায় ৷ উল্লেখ্য যে ক, খ আৰু গ শাখাত অনুষ্ঠিত চিত্ৰাংকন প্ৰতিযোগিতাৰ প্ৰতিটো শাখাত পাঁচটা কৈ পুৰস্কাৰ প্ৰদান কৰা হ'ব আৰু এই পুৰস্কাৰসমূহ অহা ১৭ ফেব্ৰুৱাৰীত বীৰঝৰা পাব্লিক লাইব্ৰেৰীত অনুষ্ঠিত এক অনুষ্ঠানত প্ৰদান কৰা হ'ব ৷ জ্ঞানোদয় জাতীয় বিদ্যালয়ৰ বিদ্যালয় পৰিচালনা সমিতিৰ সাধাৰন সম্পাদক অশোক দাস আৰু বিদ্যালয়খনৰ শিক্ষক - শিক্ষয়িত্ৰীসকলে পৰিচালনা কৰা চিত্ৰাংকন প্ৰতিযোগিতাখনত বিচাৰক হিচাপে নিকুঞ্জ ৰায়

প্ৰমাণ পত্ৰ বিতৰণ  বঙাইগাঁওঃ৩১ জানুৱাৰীঃ বৃহত্তৰ বঙাইগাঁও চেম্বাৰ অৱ কমাৰ্চৰ প্ৰথম বাৰ্ষিক সাধাৰণ সভাখন আজি দিনজোৰা কাৰ্যসূচীৰে হোটেল জাহ্নৱীত অনুষ্ঠিত হৈ যায় ৷ পুৱা পতাকা উত্তোলনেৰে কাৰ্যসূচীৰ শুভাৰম্ভ হোৱাৰ পিছতে আৰম্ভ হয় সাধাৰণ সভা ৷ বৃহত্তৰ বঙাইগাঁও চেম্বাৰ অৱ কমাৰ্চৰ সভাপতি নিৰ্মল কুমাৰ বৈদৰ সভাপতিত্বত অনুষ্ঠিত হোৱা সভাত  বঙাইগাঁও জিলাৰ উপায়ুক্ত ডাঃ এম এছ লক্ষীপ্ৰিয়া , বঙাইগাঁও জিলাৰ আৰক্ষী অধীক্ষক সুবোধ কুমাৰ সোনোৱাল , বঙাইগাঁও জিলা পৰিষদৰ সভাপতি বিজয় সিংহ আৰু ভাৰতীয় ষ্টেট বেংকৰ বঙাইগাঁও শাখাৰ জ্যেষ্ঠ প্ৰৱন্ধক গুৰুপদ হালদাৰ বিশিষ্ট অতিথি হিচাপে উপস্থিত থাকি বিভিন্ন পৰামৰ্শ আগবঢ়ায় ৷ তদুপৰি সভাত বৃহত্তৰ বঙাইগাঁও চেম্বাৰ অৱ কমাৰ্চৰ উপদেষ্টাদ্বয় ক্ৰমে ডাঃ এচ কে দাস আৰু সুব্ৰত ঘোষেও নিজৰ বক্তব্যৰ যোগেদি বিভিন্ন পৰামৰ্শ আগবঢ়ায় ৷সভাত চেম্বাৰ অৱ কমাৰ্চৰ সাংগঠনিক দিশৰ ওপৰত বক্তব্য আগবঢ়ায় সংগঠনটোৰ সাধাৰন সম্পাদক ধীৰাজ চক্ৰৱৰ্তীয়ে ৷ সভাত বৃহত্তৰ বঙাইগাঁও চেম্বাৰ অৱ কমাৰ্চৰ সদস্যসকলৰ মাজত প্ৰমাণ পত্ৰও বিতৰণ কৰা হয় ৷ সভাত প্ৰায় দুই শতাধিক সদস্যক এই প্ৰমাণ পত্ৰ প্ৰদান কৰা হয়৷ প্ৰণৱ

জিলাখনৰ ১,১০,৭৭২ গৰাকী শিশুক সামৰি লোৱাৰ লক্ষ্য স্বাস্থ্য বিভাগৰ  বঙাইগাঁওঃ ৩১ জানুৱাৰীঃ সমগ্ৰ দেশ তথা ৰাজ্যৰ বিভিন্ন প্ৰান্তৰ লগতে বঙাইগাঁও জিলাতো আজিৰে পৰা পলিঅ' প্ৰতিষধক প্ৰদান কাৰ্যসূচী আৰম্ভ হৈছে। জিলাখনত বঙাইগাঁও জিলাৰ উপায়ুক্ত ডাঃ এম.এছ. লক্ষ্মী প্ৰিয়াই এই পলিঅ' প্ৰতিষেধক প্ৰদান কাৰ্যসূচীৰ শুভাৰম্ভ কৰে ৷ জিলা উপায়ুক্তগৰাকীয়ে বঙাইগাঁও প্ৰাথমিক স্বাস্থ্য কেন্দ্ৰত জিলাখনৰ স্বাস্থ্য বিভাগৰ যুটীয়া স্বাস্থ্য সঞ্চালক ডাঃ নীলমাধৱ দাসৰ লগতে অতিৰিক্ত মুখ্য চিকিৎসক তথা স্বাস্থ্য বিষয়া, জিলা টিকাকৰণ বিষয়া, মহকুমা চিকিৎসক তথা স্বাস্থ্য বিষয়া, বঙাইগাঁও জিলাৰ আঁচনি প্ৰৱন্ধক আৰু অন্যান্য স্বাস্থ্য কৰ্মীৰ উপস্থিতিত পলিঅ' প্ৰতিষধক প্ৰদান কাৰ্যসূচীৰ শুভাৰম্ভণি কৰে আৰু দুবছৰীয়া কন্যাক জিলাখনৰ ভিতৰত ২০২১ বৰ্ষৰ প্ৰথমতো পলিঅ' খোৰাক প্ৰদান কৰে ৷ জিলাখনত মুঠ ৪৮৮ টা বুথৰ জৰিয়তে পলিঅ' খোৰাক প্ৰদানৰ বাবে ব্যৱস্থা কৰা হৈছে আৰু এই বুথসমূহত জিলাখনৰ ৫ বছৰ বয়সৰ ভিতৰৰ মুঠ ১,১০,৭৭২ গৰাকী শিশুক এই কাৰ্যসূচীৰ জৰিয়তে সামৰি লবলৈ লক্ষ্য স্থিৰ কৰা হৈছে। আজিৰে পৰা আৰম্ভ হোৱা পলিঅ' প্ৰ

বঙাইগাঁওঃ ৩০ জানুৱাৰীঃ আজি সমগ্ৰ  দেশৰ লগতে বঙাইগাঁও জিলা উপায়ুক্ত কাৰ্যালয়তো ছহিদ দিৱস পালন কৰা হয় । এই উপলক্ষে কাৰ্যালয়টোৰ সমূহ বিষয়া - কৰ্মচাৰীসকলে একেলগে  সমবেত হৈ পুৱা ১১ বজাৰ পৰা  ১১.০২ বজালৈ ২ মিনিট সময় মৌনতা অৱলম্বন কৰি জাতিৰ পিতা মহাত্মা গান্ধীলৈ শ্ৰদ্ধাঞ্জলি জনাই ছহিদ দিৱস পালন কৰে। উল্লেখ্য যে  জাতিৰ পিতা মহাত্মা গান্ধীলৈ সশ্ৰদ্ধ প্ৰণিপাত জনোৱাৰ উদ্দেশ্যৰে এই ছহিদ দিৱস পালন কৰা হয় । ছহিদ দিৱসৰ মৌনতা অবলম্বন কৰাৰ পূৰ্বে  অৰ্থাৎ ১০.৫৯ মিনিটত এক সংকেত বজোৱা হয় আৰু ১১ বজাৰ পৰা  ১১.০২ মিনিটলৈ ছহিদ দিৱসৰ মৌনতা পালন কৰা হয় । মৌনতা কাৰ্যসূচী পালনৰ পিছতে মহাত্মা গান্ধীৰ প্ৰতিচ্ছবিত উপায়ুক্ত ডাঃ এম এছ লক্ষীপ্ৰিয়াৰ লগতে অতিৰিক্ত উপায়ুক্ত সকল আৰু কাৰ্যলয়টোৰ আন আন বিষয়া কৰ্মচাৰী সকলে পুস্পাঘ্য অৰ্পণ কৰি শ্ৰদ্ধাঞ্জলি জ্ঞাপন কৰে । শ্ৰদ্ধাঞ্জলি অনুষ্ঠানত উপায়ুক্তগৰাকীয়ে নিজৰ ভাষণত মহামানৱ মহাত্মা গান্ধীৰ কৰ্ম জীৱনৰ ওপৰত দুআষাৰ বক্তব্য ৰাখি উপস্থিত সকলোকে তেওঁৰ আদৰ্শ আৰু নীতি পালন কৰি চলিবলৈ আহ্বান জনায় ৷ ইপিনে জিলা আৰক্ষী অধীক্ষকৰ কাৰ্যালয়তো ছহিদ দিৱস পালন কৰা হয় ৷  প্ৰণৱ কুমাৰ

বিটিচি অঞ্চলৰ এবিঘা মাটিতো চৰকাৰে উচ্ছেদ কৰাটো কোনোপধ্যে মানি নলও- এবিএমছু  প্ৰমোদ বড়োক নিৰ্বাচনৰ পূৰ্বে দিয়া প্ৰতিশ্ৰুতি আখৰে আখৰে পালন কৰবলৈ আহ্বান বঙাইগাঁওঃ ৩০ জানুৱাৰীঃ এবিএমছু জীয়াই থকালৈকে বিটিচি অঞ্চলৰ এবিঘা মাটিতো চৰকাৰে উচ্ছেদ কৰাটো কোনোপধ্যে মানি নলও ৷ যদিহে প্ৰমোদ বড়োৱে দিয়া প্ৰতিশ্ৰুতি আখৰে আখৰে পালন নকৰি এই অঞ্চলত উচ্ছেদ অভিযান চলাব বিচাৰে তেতিয়াহলে আমি এবিএমছুৱে বহি নাথাকো ৷ আমি ইয়াৰ বিৰুদ্ধে তীব্ৰতৰ গণতান্ত্ৰিক আন্দোলন গঢ়ি তুলিম৷ এই মন্তব্য এবিএমছুৰ সাধাৰণ সম্পাদক আবু জুৱায়েৰ মণ্ডলৰ ৷ আজি বৃহত্তৰ বঙাইগাঁও প্ৰেছ ক্লাৱত অনুষ্ঠিত এখন সংবাদ মেলত শেহতীয়াভাৱে বিটিচি অঞ্চলৰ জনজাতীয় বেল্ট আৰু ব্লকসমূহ বেদখলমুক্ত কৰাৰ বাবে গুৱাহাটী উচ্চ ন্যায়ালয়ে জাৰি কৰা এক নিৰ্দেশ অনুসৰি বিটিচি প্ৰশাসনে বিভিন্ন ৰাজহ চক্ৰ বিষয়ালৈ ব্যৱস্থা গ্ৰহণৰ বাবে নিৰ্দেশ দিয়াৰ পিচতে সমগ্ৰ বিটিচি অঞ্চলত সৃষ্টি হোৱা তীব্ৰ প্ৰতিক্ৰিয়াৰ মাজতে এবিএমছুৰ সাধাৰণ সম্পাদকগৰাকীয়ে এই হুংকাৰ প্ৰদান কৰিছে ৷ সংবাদ মেলত সংগঠনটোৰ সাধাৰণ সম্পাদকগৰাকীয়ে কয় যে বিটিচি অঞ্চলৰ ট্ৰাইবেল বেল্ট- ব্লকৰ পৰা অবৈধ লোকক উচ্

এয়া পাপৰ ফল নহয়: উপায়ুক্ত মুনীন্দ্ৰ শৰ্মা* কঞ্জল দাস,  বৰপেটা, ৩০ জানুৱাৰী: ৰাষ্ট্ৰীয় কুষ্ঠ নিবাৰণী দিৱস আজি বৰপেটা জিলাতো দিনজোৰা কাৰ্যসূচীৰে উদযাপন কৰা হয়। বৰপেটা জিলাৰ যুটীয়া স্বাস্থ্য সঞ্চালকৰ কাৰ্যালয় চৌহদৰ পৰা এই উপলক্ষে পুৱা উলিওৱা এটি শোভাযাত্ৰা জিলা উপায়ুক্ত মুনীন্দ্ৰ শৰ্মাই আনুষ্ঠানিকভাৱে পতাকা জোকাৰি মুকলি কৰে। এই উপলক্ষে দিয়া ভাষণত উপায়ুক্ত গৰাকীয়ে কয় যে, এই ৰোগ কোনো পাপৰ ফল নহয়।  বৰ্তমানৰ সময়ৰ বাবে ই সাধাৰণ বেমাৰত পৰিণত হৈছে আৰু ইয়াৰ চিকিৎসা অতি সুলভ বুলি তেওঁ মন্তব্য কৰে। তেওঁ স্বাস্থ্য কৰ্মী সকলক ৰোগ বিধৰ বিষয়ে জন সজাগতা সৃষ্টিত ব্ৰতী হবলৈ আহ্বান জনায়। অনুষ্ঠানত যুটীয়া স্বাস্থ্য সঞ্চালক ডা তীৰ্থনাথ শৰ্মা, জিলা তথ্য আৰু জনসংযোগ বিষয়া বিকাশ শৰ্মা, অতিৰিক্ত মুখ্য স্বাস্থ্য বিষয়া ডা প্ৰমথেশ শৰ্মা আদিও উপস্থিত থাকে।  শোভাযাত্ৰাত অংশগ্ৰহণ কৰা শতাধিক স্বাস্থ্য কৰ্মীয়ে হাতে হাতে "কুষ্ঠ ৰোগ জন্ম বা বংশগত নহয়", "সুচিকিৎসাৰে কুষ্ঠ ৰোগৰ পৰা সহজে আৰোগ্য  হব পাৰে" আদি বেনাৰ, প্লেকাৰ্ড  লৈ শ্লোগান দি চহৰৰ মাজেৰে পৰিভ্ৰমণ কৰে। পিছত জ

গুৰুজনাৰ ওপজাভূমিৰ পৰা জয়ন্ত মুদৈ, ৩০ জানুৱাৰীঃ মাধৱ সংস্কৃতি ন্যাসৰ উদ্যোগত আৰু শ্ৰীশ্ৰী বটদ্ৰৱা থান পৰিচালনা সমিতিৰ সহযোগত অনুষ্ঠিত হোৱা মহাপুৰুষ শ্ৰীমন্ত শংকৰদেৱ মহোৎসৱৰ আজি দ্বিতীয়টো দিন। সেয়ে গুৰুজনাৰ ওপজাভূমিত উদুলি-মুদুলি পৰিবেশৰ সৃষ্টিৰে বৰগীত, দিহানাম, কবিতা, চিত্ৰকলাৰে মুখৰিত হৈ উজ্বলি উঠিছে বটদ্ৰৱা। হাজাৰ-বিজাৰ শিল্পী, কবি, সাহিত্যিক, গৱেষকৰ উপস্থিতিত এক প্ৰকাৰে উখল মাখল পৰিৱেশ ৷ ৰাষ্ট্ৰীয় পৰ্যায়ত তিনিদিনীয়াকৈ অনুষ্ঠিত হোৱা এই মহোৎসৱৰ প্ৰথম কাৰ্যসূচী আন্তৰ্জাতিক সন্মিলনী খনি নগাঁও চহৰৰ খগেন মহন্ত প্ৰেক্ষাগৃহত কালি অনুষ্ঠিত হোৱাৰ পিছত আজিৰ পৰা দুদিনীয়াকৈ বটদ্ৰৱা থান আৰু ইয়াৰ দাঁতিকাষৰীয়া সাত খন ঐতিহ্যমণ্ডিত সত্ৰত একেলগে আৰম্ভ হয় মহাপুৰুষ শ্ৰীমন্ত শংকৰদেৱ মহোৎসৱৰ সাংস্কৃতিক কাৰ্যসূচী। পুৱা বটদ্ৰৱা থান পৰিচালনা সমিতিৰ সভাপতি তথা শ্ৰীশ্ৰী নৰোৱা সত্ৰৰ সত্ৰাধিকাৰ দেৱানন্দ দেৱগোস্বামীয়ে পতাকা উত্তোলন আৰু শ্ৰীশ্ৰী শলগুৰি সত্ৰৰ সত্ৰাধিকাৰ যোগেন্দ্ৰ নাৰায়ণ দেৱমহনন্তই বন্তি প্ৰজ্বলন কৰে। পাছত ৰাজ্য তথা দেশৰ বিভিন্ন প্ৰান্তৰ শিল্পী, সাহিত্যিক, কবি, চিত্ৰশিল্পী, গৱেষক সক

নগাঁৱৰ পৰা জয়ন্ত মুদৈ, ৩০ জানুৱাৰীঃ  নগাঁও জিলা সাহিত্য সভাৰ উদ্যোগত আৰু একশৰণ ভাগৱতী সমাজ, অসমৰ সহযোগত শুকুৰবাৰে একশৰণ ভাগৱতী সমাজৰ মুখ্য কাৰ্যালয় বেবেজীয়া পালনাম থানৰ স্থায়ী মঞ্চত জিলা সাহিত্য সভাৰ দ্বাৰা প্ৰকাশিত লেখিকা  জ্যোতিকা মনি দাসৰ তিনিখন গ্ৰ্ন্থ ক্ৰমে  "আতাপুৰুষ ধনীৰাম দাসৰ জীৱন পৰিক্ৰমা",  "বৈকুণ্ঠ দূতয়" আৰু প্ৰবন্ধ সংকলন "ৰামধেনু" উন্মোচন কৰা হয় । ৰাজ্যিক শিল্পী পেঞ্চনাৰ  পৰাণ কুমাৰ দাসৰ সুললিত বাঁহীৰ সুৰে আপ্লুত কৰা উন্মোচনী সভাত গ্ৰন্থ কেইখন উন্মোচন কৰে একশৰণ ভাগৱতী সমাজৰ উপাচাৰ্য অনুৰাম দাস, নগাঁও জিলা সাহিত্য সভা সভাপতি পৰান কুমাৰ বৰুৱা আৰু অসম সাহিত্য সভাৰ মাতৃভাষা প্ৰয়োগ সমিতিৰ আহ্বায়ক শ্ৰী যুত ভৱেশ মেধিয়ে । সভাৰ আৰম্ভণিতে শিল্পী সাৱিত্ৰী দাসে বৰগীত পৰিবেশন কৰে ৷ জিলা সাহিত্য সভাৰ উপ-সভাপতি থগিত চন্দ্ৰ মহন্তই পৰিচালনা কৰা আৰু সম্পাদক ৰেৱত কুমাৰ হাজৰিকাই আঁত ধৰা সভাখনত লেখিকা গৰাকীৰ পৰিয়ালৰ হৈ আদৰণি ভাষন আগবঢ়াই প্ৰাক্তন মন্ত্ৰী বুবুল দাসে । গল্পকাৰ শিৱানন্দ কাকতি আৰু জিলাৰ প্ৰাক্তন সভাপতি শ্ৰী যুত ৰতিমোহন নাথ বিশিষ্ট অ

 ৰাজ্য চৰকাৰে ৰাজকোষৰ ধনৰ অপচয় কৰাৰ পৰা বিৰত থকাৰ আহ্বান ষ্টাফৰিপোৰ্টাৰ, ২৯ জানুৱাৰী :  ২০১২ চনত দেশৰ ৰাষ্ট্ৰীয় ৰাজধানীত সংঘটিত নির্ভয়া কাণ্ডৰ পাছতে মহিলাৰ বিৰুদ্ধে সংঘটিত অপৰাধ হ্ৰাস কৰাৰ ব্যৱস্থা গ্ৰহণৰ উদ্দেশ্যে পৰামৰ্শ বিচাৰি অৱসৰপ্ৰাপ্ত ন্যায়াধীশ জে. এছ বাৰ্মাৰ নেতৃত্বত ভাৰত চৰকাৰে গঠন কৰি দিয়া সমিতি খনে আগবঢ়োৱা পৰামৰ্শাৱলীৰ অন্যতম আছিল সকলো যাত্ৰীবাহী বাছতে নষ্ট কৰিব নোৱাৰা জি. পি.এছ ব্যৱস্থা সংযোগ কৰা। সমিতি খনৰ এই পৰামৰ্শৰে ভিত্তিতে কেন্দ্ৰীয় চৰকাৰে ২০১৬ চনৰ ২৮ নৱেম্বৰত এক অধিসূচনা যোগে ১৯৮৯ চনৰ কেন্দ্ৰীয় যান-বাহন বিধিৰ সংশোধন ঘটাই ১২৫ এইচ নামৰ বিধিৰ অন্তৰ্ভূক্তিৰে ৰাজহুৱা বাহন আৰু ৰাষ্ট্ৰীয় অনুজ্ঞাপত্ৰ থকা মালবাহী বাহনত জৰুৰীকালীন বুটামসহ বাহনৰ নিৰ্ণায়ক সঁজুলি সংযোগ কৰা বাধ্যতামূলক কৰিছিল। দুখৰ বিষয় যে উল্লিখিত বিধি বলৱৎ কৰণৰ ক্ষেত্ৰত অসমৰ পৰিবহন বিভাগে অবৈধ পদ্ধতি অৱলম্বন কৰিছে। এই ক্ষেত্রত কেন্দ্ৰীয় পথ পৰিহবন আৰু ঘাইপথ মন্ত্ৰালয়ৰ অধীনৰ ৰাষ্ট্ৰীয় পথ সুৰক্ষা পৰিষদৰ অন্যতম সদস্য ড০ কমলজিৎ ছোই-  শুকুৰবাৰে গুৱাহাটীত এখন সংবাদমেল সম্বোধন কৰি অসম চৰকাৰৰ ভূমিকাত গভীৰ উদ্

পঙ্কজ নাথ, চাংসাৰি, ২৯ জানুৱাৰী: কামৰূপৰ দদৰাস্থিত  মাধৱ প্লাজাত বৃহস্পতিবাৰৰ পৰা শুভৰাম্ভ কৰা হয়  K D ফিটেনছ চেন্টাৰ নামৰ এটি নতুন শৰীৰ চৰ্চা কেন্দ্ৰ । Mr Assam জুনিয়ৰ প্ৰতিযোগিতাত চিলভাৰ মেদেল প্ৰাপ্ত তথা দুবাৰকৈ  MR KAMRUP জুনিয়ৰত দুবাৰকৈ  গোল্ড মেডেল বিজয়ী বিশ্বজিৎ দাসৰ পৰিকল্পনাত স্থাপন হোৱা   K D জিম ফিটনেচ চেন্টাৰটিত থাকিব সকলো অত্যধানুক সা-সুবিধা ।  এই আত্যধুনিক জিম চেন্টাৰতো আনুস্থানিক ভাৱে কালি বৃহস্পতিবাৰে মুকলি কৰে আন্ত:ৰাষ্ট্ৰীয় শৰীৰ চৰ্চাবিদ ভৱজ্যোতি গোস্বামীয়ে ৷ শৰীৰ চৰ্চাবিদ ভৱজ্যোতি দাসে জিমটো মুকলি কৰি কয় যে, শৰীৰ চৰ্চাৰ বাবে কোনো বয়সৰ সীমা নাথাকে, সকলোৱে শৰীৰ চৰ্চা কৰাতো প্ৰয়োজন ,সকলোৱে নিজৰ শৰীৰ বাবে এক ঘন্টা হলেও সময় দিব লাগিব তেতিয়া নিৰোগী হৈ থাকিব পাৰিব । এই অত্যাধুনিক জিম চেন্টাৰটিত  পুৰষৰ লগতে থাকিব  মহিলা সকলৰো শৰীৰ চৰ্চাৰ কৰা সকলোধৰনৰ সুবিধা । ভৱজ্যোতি গোস্বামীৰ তত্বাবধানত   প্ৰশিক্ষন প্ৰাপ্ত বিশ্বজিৎ দাসে পৰিচলান কৰিবলৈ লোৱা শৰীৰ চৰ্চা কেন্দ্ৰটোক লৈ আশাবাদী অঞ্চলটোৰ যুৱ প্ৰজন্ম। কামৰূপ ব্যুৰো পঙ্কজ নাথৰ ৰিপৰ্ট।

নগাঁৱৰ পৰা জয়ন্ত মুদৈ, ২৯ জানুৱাৰীঃ নগাঁও জিলাৰ বেবেজীয়াৰ ৩৭ নং ৰাষ্ট্ৰীয় ঘাইপথৰ কাষত অৱস্থিত বেবেজীয়া পালনাম থানত ব্যাপক ওলহ-মালহেৰে অনুষ্ঠিত হৈ থকা একশৰণ ভাগৱতী সমাজৰ নগাঁও জিলা শাখাৰ ৮৫ সংখ্যক বাৰ্ষিক পালনাম আৰু ধৰ্মালোচনী সভাৰ আজি চতুৰ্থ দিনা অগণন ভক্তৰ সমাগমেৰে একপ্ৰকাৰে সমন্বয় ক্ষেত্ৰত পৰিণত হৈ পৰে অনুষ্ঠানস্থলী ৷ দুৰ-দুৰণিৰ পৰা আহি ভক্তি ৰসত নিমৰ্জিত হৈ পৰা আইমাতৃ, ভকত-বৈষ্ণৱসকলৰ উপস্থিতিৰে একপ্ৰকাৰে বেবেজীয়া পালনাম থান প্ৰাংগণ লোকে-লোকাৰণ্য হৈ পৰাৰ বিপৰীতে হৰিনামৰ ধ্বনিৰে চৌপাশ মুখৰিত হৈ বৈছে কেৱল ভক্তিৰ নিজৰা ৷ কাৰ্যসূচী অনুসৰি পুৱা ৫ বজাত কালি নিশাৰে পৰা অবিৰতভাৱে চলি থকা পালনামৰ সামৰণি আৰু কৃপা প্ৰাৰ্থনাৰ পিছতে এটি আকৰ্ষণীয় বৰ্ণিল ভাগৱত শোভাযাত্ৰা উলিওৱা হয় ৷ শতাধিক সৰু-বৰ গাড়ীৰে সুসৰ্জ্জিত ৰূপত টোকোলাই বেবেজীয়া, মাহৰিআটি, ঘাঁহী, ম’হমৰীয়া, ডাকৰঘাট, কৃষ্ণাইখাট, শেনছোৱা আদি অঞ্চলৰ মাজেৰে পৰিভ্ৰমণ কৰা এই শোভাযাত্ৰাটিয়ে বৃহত্তৰ বেবেজীয়া অঞ্চল উজ্বলাই তোলে ৷ বিয়লি নাম-কীৰ্তনৰ লগতে সন্ধিয়া জপ আৰু সন্ধ্যা প্ৰসংগ পৰিবেশন কৰা হয় ৷ ইফালে, বাৰ্ষিক পালনাম আৰু ধৰ্মালোচনী সভাৰ

ll নগাঁৱৰ পৰা জয়ন্ত মুুুদৈ, ২৯ জানুৱাৰীঃ নগাঁও আৰু মৰিগাঁও জিলাৰ সীমান্তবৰ্তী পাঘালী গাঁও পঞ্চায়তৰ জাজৰি চাহখোৱা পুখুৰী নিবাসী চামেদ আলী আৰু তছলিমা খাতুনৰ পুত্ৰ ৰেকিবুল হুছেইন বিগত প্ৰায় পাঁচমাহ ধৰি সন্ধানহীন হৈ থকা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে ৷ জানিব পৰা মতে, বিগত বৰ্ষৰ পহিলা ছেপ্টেম্বৰৰ দিনা পুুুৱা প্ৰায় ছয় বজাত ২১ বছৰীয়া যুৱকজন কাম বিচাৰি গুৱাহাটীলৈ যোৱাৰ পিছৰে পৰা ৰহস্যজনকভাবে নিৰুদ্দেশ হয় ৷ অতি দৰিদ্ৰ পৰিয়ালৰ যুৱকজন এনেদৰে হঠাতে নিখোজ হৈ পৰাত ঘৰত হুৱাদুৱা লাগে আৰু পৰিয়ালৰ লোকে আত্মীয়-স্বজন আৰু বন্ধু-বান্ধৱৰ ঘৰৰ লগতে সম্ভাব্য সকলো ঠাইতে বিচাৰ-খুচাৰ কৰিও কোনো শুংসূত্ৰ নোপোৱাত পৰিয়ালৰ লোকসকল এতিয়া মানসিকভাবে ভাগি পৰিছে ৷ ইতিমধ্যে নিৰুদ্দেশ সন্দৰ্ভত যুৱকজনৰ দুৰ্ভগীয়া মাতৃয়ে মিকিৰভেটা থানাৰ অন্তৰ্গত বৰিবজাৰ আৰক্ষী চকীত এজাহাৰ দাখিল কৰিছে যদিও আজিলৈকে যুৱকজনৰ কোনো সম্ভেদ বাহিৰ হোৱা নাই ৷ গতিকে কোনো সদাশয় লোকে প্ৰায় ৫ ফুুট উচ্চতাৰ মাগুৰ বৰণীয়া যুৱকজনৰ যদি কোনো সম্ভেদ পায় তেন্তে ওচৰৰ আৰক্ষী থানা নাইবা ৬০২৬৯-৫১০৩৭ নম্বৰত যোগাযোগ কৰিবলৈ দুৰ্ভগীয়া পৰিয়ালৰ লোকে অ

ৰটাৰী ক্লাবৰ গুৱাহাটী লুইট ফ্লেগশ্বিপ প্ৰজেক্ট #ISupportHer উদ্যোগত একেলগে এক স্থায়ী প্ৰভাৱ পেলাইছে ষ্টাফ ৰিপ'ৰ্টাৰ২৮ জানুৱাৰী,২০২১: টপচেম চিমেণ্টে সমাজৰ উন্নতিৰ হকে কাম কৰি আহিছে, যিহেতু এই চিমেন্ট কোম্পানীটোৱে বিশ্বাস কৰে যে প্ৰতিটো সৰু পৰিৱৰ্তনে কাইলৈ হ'বলগা বিকাশত সহায় কৰে। কৰ্পোৰেট সামাজিক দায়বদ্ধতা কাৰ্যসূচীৰ এক অংশ হিচাপে  টপচেম চিমেণ্টে গুৱাহাটীৰ আৰ্য বিদ্যাপীঠ এইচ.এছ আৰু এম.পি স্কুলত এটা শৌচাগাৰ ব্লক নিৰ্মাণ কৰাত সহযোগিতা আগবঢ়াইছে।  বিদ্যালয়খনত এই শৌচাগাৰটো ৰটাৰী ক্লাবৰ গুৱাহাটী লুইটছ ফ্লেগশ্বিপ প্ৰজেক্ট #ISupportHer ৰ উদ্যোগত নিৰ্মাণ কৰা হৈছে। ইয়াত দুটা শৌচাগাৰ ব্লক নিৰ্মাণ কৰা হৈছে। তাৰে এটা ছাত্ৰী সকলৰ বাবে আৰু আনটো ছাত্ৰসকলৰ বাবে। দুয়োটা শৌচাগাৰত ৱাছ বেচিন স্থাপন কৰা হৈছে। যাতে শিক্ষাৰ্থীসকলে ৰোগ প্ৰতিহত কৰিবলৈ চাবোন আৰু পানীৰে পৰিস্কাৰ কৰি হাত ধুব পাৰে। এই উদ্যোগৰ ফলত প্ৰায় ৪০০ ছাত্ৰী উপকৃত হ'ব। মেঘালয়  চিমেণ্টছ লিমিটেডৰ অধ্যক্ষ ড০ অনিল কাপুৰে এই শৌচাগাৰ ব্লক মুকলি কৰে। শৌচাগাৰ মুকলি অনুষ্ঠানত ৰটাৰিয়ান হিচাপে  উপস্থিত আছিল ৰটাৰী ক্লাবৰ গুৱাহাট

পঙ্কজ নাথ, চাংসাৰি, ২৯ জানুৱাৰী : কামৰূপৰ বস্ত্ৰনগৰী শুৱালকুছিত নিৰ্বাচনৰ পূৰ্বে  শুভাৰম্ভনি হবলৈ গৈ আছে অভিযান্ত্ৰিক মহাবিদ্যালয়ৰ আধাৰশিলা স্থাপনৰ কাম। মুঠ ১০০ বিঘা ভূমি সামৰি স্থাপন হব লগীয়া  প্ৰস্তাৱিত অভিযান্ত্ৰিক মহাবিদ্যালয়খনে আশাৰ বতৰা কঢ়িয়াই আনিছে শুৱালকুছি তথা সমগ্ৰ জালুকবাৰী সমষ্টিবাসীলৈ ।  শুৱালকুছিৰ মুগা গোপাচাৰৰ মুঠ ১২১২ ভূমিৰ পৰা ১০০ বিঘা ভূমি অভিযান্ত্ৰিক মহাবিদ্যালয় স্থাপন কৰাৰ বাবে ইতিমধ্যে অৱন্টন লোৱাৰ প্ৰক্ৰিয়া প্ৰায় সম্পূৰ্ণ বুলি জানিব দিছে কামৰূপ জিলা উপায়ুক্ত কৈলাশ কাৰ্তিক এনে ।  কালি কামৰূপ জিলা উপায়ুক্ত কৈলাশ কাৰ্তিক এনৰ লগতে হাজো ৰাজহ চক্ৰ বিষয়া সুকন্যা বৰা সহ  জিলা প্ৰশাসনৰ এটি সজাতি দলে পৰিদৰ্শন কৰে প্ৰস্তাৱিত অভিযান্ত্ৰিক মহাবিদ্যালয় স্থাপন হবলগীয়া ভূমিৰ অংশ ৷ আশা কৰা হৈছে শুৱালকুছিত স্থাপন হবলগীয়া অভিযান্ত্ৰিক মহাবিদ্যালয় খনে অসমৰ শৈক্ষিক দিশত ছাত্ৰ ছাত্ৰীসকলক এখোজ আগুৱাই নিয়াৰ লগতে বৌদ্ধিক সমাজকো উৎসাহিত কৰিছে। কামৰূপৰ পৰা পঙ্কজ নাথৰ ৰিপৰ্ট

 একশৰণ ভাগৱতী সমাজৰ বাৰ্ষিক পালনাম আৰু ধৰ্মালোচনী সভা≈≈অগণন ভক্তৰ উপস্থিতিৰে সমন্বয় ক্ষেত্ৰত পৰিণত বেবেজীয়া পালনাম থান # বেবেজীয়া পালনাম থানৰ পৰা জয়ন্ত মুদৈ, ২৮ জানুৱাৰীঃ নগাঁও জিলাৰ বেবেজীয়া পালনাম থানত অনুষ্ঠিত হৈ থকা একশৰণ ভাগৱতী সমাজ, অসমৰ নগাঁও জিলা শাখাৰ ৮৫ সংখ্যক বাৰ্ষিক পালনাম আৰু ধৰ্মালোচনী সভা উ৩ক্ষে পালনাম থান প্ৰাংগনত উদুলি-মুদুলি পৰিস্থিতিৰ সৃষ্টি হৈছে ৷ আজি তৃতীয় দিনা ৰাজ্যৰ বিভিন্ন প্ৰান্তৰ পৰা আহি সমবেত হোৱা অগণন ভক্তৰ সমাগমেৰে অনুষ্ঠানস্থলী সমন্বয় ক্ষেত্ৰত পৰিণত হৈ পৰাৰ বিপৰীতে হৰিনামৰ ধ্বনিৰে আকাশ-বতাহ মুখৰিত কৰি তুলিছে ৷ কাৰ্যসূচী অনুসৰি আজি পুৱা ৪ বজাৰ পৰা একাদিক্ৰমে প্ৰাতঃ প্ৰসংগ, শৰাই অৰ্চন আৰু তৰুণ বিদ্যাৰ্থী সমাজৰ প্ৰাৰ্থনা সভা অনুষ্ঠিত হোৱাৰ পিছতে সমাজৰ দক্ষিণপাট গাঁও শাখাৰ দ্বাৰা খোল প্ৰসংগ পৰিবেশন কৰা হয় ৷ বিয়লি ৩ বজাৰ পৰা একশৰণ ভাগৱতী সমাজৰ উপাচাৰ্য্য আৰু শৰণাচাৰ্য্য অনুৰাম দাসৰ সঞ্চালনাত অনুষ্ঠিত হয় ধৰ্মালোচনী সভা ৷ জিলা পালনামাচাৰ্য্য তথা তত্ত্ব পৰিষদৰ সদস্য মুহিধৰ দাসৰ পৰিচালনাত আচাৰ্য্য প্ৰণামেৰে শুভাৰম্ভ হোৱা সভাখনি আনুষ্ঠানিকভাবে শুভ উদ্বোধ

নগাঁৱৰ পৰা জয়ন্ত মুুদৈ, ২৮ জানুৱাৰীঃ গুৱাহাটী জিলা পুথিভঁৰালত যোৱা ২৩ জানুৱাৰীত ইন্টাৰনেশ্বনেল গ্ল'বেল ষ্টাৰ আইকন শীৰ্ষক এখনি সৌন্দৰ্য প্ৰতিযোগিতা অনুষ্ঠিত হৈ যায়। নাৰী শক্তি অসম গ্ৰুপৰ সৌজন্যত ৰাষ্টীয় মহিলা সুৰক্ষা সংগঠনৰ প্ৰদেশ অধ্যক্ষা ড° নম্ৰতা ৰ্শম্মাৰ নেতৃত্বত অনুষ্ঠিত অনুষ্ঠানটিত নগাঁও জিলাৰ ঐতিহ্যমণ্ডিত আনন্দৰাম ঢেকিয়াল ফুকন মহাবিদ্যালয়ৰ ফেশ্বন টেকন'লজি বিভাগৰ এটি দলেও অংশগ্ৰহণ কৰে। উত্তৰ পূৰ্ব্বাঞ্চলৰ বিভিন্ন ঠাইৰ শতাধিক প্ৰতিযোগীয়ে ভাগ লোৱা অনুষ্ঠানটিত এ ডি পি কলেজৰ ফেশ্বন টেকন'লজি বিভাগৰ মূৰব্বী অধ্যাপিকা মিনাক্ষী বৰাক ইন্টাৰনেশ্বনেল লিডাৰশ্বিপ বঁটাৰ 'শ্ৰেষ্ঠ ফেশ্বন ডিজাইনাৰ' বঁটা আৰু 'ডিজাইনাৰ আইকন ' বঁটা প্ৰদান কৰা হয়। আনহাতে, মহাবিদ্যালয়খনৰ ছাত্ৰী তুজাশ্ৰী বৰাই এই অনুষ্ঠানতে ইন্টাৰনেশ্বনেল গ্ল'বেল ষ্টাৰ আইকণৰ "মিচ প্ৰথম ৰাণাৰ আপ' খিতাপ অৰ্জন কৰিবলৈ সক্ষম হয় । তেওঁলোকৰ সাফল্যত নগাঁওবাসী উৎফুল্লিত হোৱাৰ লগতে আনন্দৰাম ঢেকিয়াল ফুকন মহাবিদ্যালয়ৰ পৰিয়ালে দুয়োগৰাকীলৈ আন্তৰিক অভিনন্দন জ্ঞাপন কৰিছে। উল্লেখ্য যে, এই গাম্ভীৰ্য্যপু

নগাঁৱৰ পৰা জয়ন্ত মুদৈ, ২৮ জানুৱাৰীঃ ৰাজ্যৰ বিভিন্ন প্ৰান্তত সময়ে সময়ে শিশু তথা নাৰী নিৰ্যাতনৰ ঘটনা সংঘটিত হৈ অহাৰ সময়তে  নগাওঁ জিলাৰ কঠীয়াতলীত এটি দহ বছৰীয়া শিশু এজন পঞ্চাশোৰ্ধ্বৰ ব্যক্তিৰ কামনাৰ বলি হোৱা ঘটনাই অঞ্চলজুৰি তীব্ৰ চাঞ্চল্যৰ সৃষ্টি কৰিছে ৷ জানিব পৰা মতে, কঠীয়াতলীৰ কছাৰী গাওঁ নিবাসী সুৰেশ ৰাভাৰ নামৰ ব্যক্তিজনে ঘৰৰ সমীপৰে এটি ১০ বছৰীয়া শিশুক ফুচুলাই নি বলাৎকাৰ কৰাৰ অভিযোগ উঠিছে। অভিযোগ অনুসৰি, পঞ্চাশোৰ্ধ্বৰ লম্পট ব্যক্তি জনে যোৱা ২৬ জানুৱাৰীত নিজ বায়েকৰ ঘৰলৈ গৈ থকা সময়ত শিশুটিক ফুচুলাই নি অসৎ কাৰ্য চৰিতাৰ্থ কৰে । অৱশ্যে লম্পটোয়ে এই ঘটনাৰ বিষয়ে ঘৰত মানুহৰ আগত প্ৰকাশ নকৰিব বাবে ভীতি প্ৰদৰ্শন কৰাত শিশুটিয়ে ভয়তে কাৰো আগত এই কথা কোৱা নাছিল ৷ কিন্তু বৃহস্পতিবাৰে শিশুটিৰ অধিক ৰক্তক্ষৰণ হোৱাত বিষয়টো পোহৰলৈ আহে আৰু পৰিয়ালৰ লোকে সন্দেহবশতঃ খুব জোৰ কৰি সোধাত শিশুটিয়ে সমস্ত কথা বিৱৰি কয় । ইফালে, শিশুটিৰ ভাষ্যৰ ওপৰত ভিত্তি কৰি কঠীয়াতলী আৰক্ষী চকীত  শিশুটিৰ পিতৃয়ে এজাহাৰৰ দাখিল কৰাত আৰক্ষীয়ে এক গোচৰ ৰুজু কৰি তদন্তত নামি পৰিছে যদিও অপৰাধীটো পলাতক অৱস্থাত আছে বুলি জানিব পৰা গৈছে

ৰাজ্য চৰকাৰে এইবাৰ মহিলাসকললৈ আৰ্থিক অনুদান আগবঢ়াব। বুধবাৰে এই সন্দৰ্ভত মন্ত্ৰী হিমন্ত বিশ্ব শৰ্মাই কয় যে অহা ৮ ফেব্ৰৱাৰীত কনকলতা মহিলা সৱলীকৰণ আঁচনিৰ জৰিয়তে ৰাজ্যৰ মহিলা আত্মসহায়ক গোট সমূহলৈ আগবঢ়োৱা হ'ব ৫০ হাজাৰকৈ টকা।

বেবেজীয়া পালনাম থানৰ পৰা জয়ন্ত মুদৈ, ২৭ জানুৱাৰীঃ জীৱ জগতৰ কল্যাণ আৰু বিশ্ব শান্তিৰে অৰ্থে আধ্যাত্ম সাধনৰত অগ্ৰণী সামাজিক-সাংস্কৃতিক আৰু ধৰ্মীয় অনুষ্ঠান একশৰণ ভাগৱতী সমাজ, অসমৰ নগাঁও জিলা শাখাৰ ৮৫ সংখ্যক বাৰ্ষিক পালনাম আৰু ধৰ্মালোচনী সভা ব্যাপক উৎসাহ-উদ্দীপনাৰ মাজেৰে ছয়দিনীয়া বিস্তৃত কাৰ্যক্ৰমণিকাৰে কালিৰে পৰা একশৰণ ভাগৱতী সমাজৰ মুখ্য কাৰ্যালয় নগাঁও জিলাৰ বেবেজীয়া পালনাম থানত অনুষ্ঠিত হৈছে ৷ এই মৰ্মে, বিভিন্ন প্ৰান্তৰ পৰা আহি সমবেত হোৱা অগণন ভক্তৰ সমাগমেৰে পালনাম থানত উদুলি-মুদুলি পৰিবেশৰ সৃষ্টি হোৱাৰ বিপৰীতে হৰিনামৰ অমিয়া সুৰে চৌপাশে ভক্তিৰ নিজৰা বৈছে ৷ প্ৰথম দিনা বিয়লি ৩ বজাত ভকত আদৰণিৰে কাৰ্যসূচীৰ পাতনি মেলাৰ পিছতে সন্ধিয়া জপ আৰু সন্ধ্যা প্ৰসংগ অনুষ্ঠিত কৰা হয় ৷ ইফালে, আজি পুৱা ৫ বজাত প্ৰাতঃ প্ৰসংগ আৰু ৮ বজাত শৰাই অৰ্চনৰ অন্তত ৯ বজাত ধৰ্মধ্বজা উত্তোলন কৰে একশৰণ ভাগৱতী সমাজৰ নগাঁও জিলা শাখাৰ সভাপতি ভূবনেশ্বৰ দাসে ৷ দুপৰীয়া ১১ বজাত মধ্যাহ্ন প্ৰসংগৰ পিছতে বিয়লি ১ বজাৰ পৰা একশৰণ ভাগৱতী সমাজৰ জিলা সভাপতি ভুৱনেশ্বৰ দাসৰ পৌৰহিত্যত একশৰণ ভাগৱতী সমাজৰ প্ৰতিনিধি সভাৰ লগতে সতী ৰাধি

নগাঁৱৰ পৰা জয়ন্ত মুদৈ, ২৭ জানুৱাৰীঃ দেশৰ ৭২ সংখ্যক গণৰাজ্য দিৱস উপলক্ষে নগাঁও-মৰিগাঁও জিলাৰ সীমামূৰীয়া দলংঘাট বৰমণিপুৰত অৱস্থিত ষষ্ঠদশ অসম আৰক্ষী বাহিনী(আই.আৰ)ৰ চাউনীত আয়োজিত দ্বৈত বেডমিণ্টন(পুৰুষ) প্ৰতিযোগিতাত নেকিবুৰ ৰহমান ছিদ্দিকী আৰু চিৰুমণি হাজৰিকাৰ যুটী চূড়ান্ত বিজয়ী হৈছে । ফাইনেলত নেকিবুৰ-চিৰুমণিৰ যুটীয়ে মৃত্যুঞ্জয় দেৱৰয় আৰু পৰীক্ষিত ডেকাৰজাৰ যুটীক ২-০ চেটত পৰাজিত কৰে । মুঠ ১৬টা দলে যোগদান কৰা প্ৰতিযোগিতাৰ অন্তত অনুষ্ঠিত হোৱা সামৰণি অনূষ্ঠানত ষষ্ঠদশ অসম আৰক্ষী বাহিনীৰ উপ-অধিনায়কদ্বয় কমল ফুকন আৰু জ্যোতিপ্ৰসাদ দাস, জ্যেষ্ঠ বিষয়া নিত্যগোপাল মজুমদাৰ আৰু ৰঞ্জিত নেওগ আদিয়ে বিভিন্ন বঁটাসমূহ বিতৰণ কৰে

৭২ সংখ্যক গণৰাজ্য দিৱসৰ দিনাখনে গোৱালপাৰা জিলাৰ কৃষ্ণাইৰ বুকুত প্ৰতিষ্ঠা লাভ কৰিলে এখন নৱ শিক্ষানুষ্ঠানে ৷ উদীয়মান যুৱক মফিজুল ইছলাম (মণি)ৰ একক প্ৰচেষ্টাত কৃষ্ণাই মোলানডুবিত প্ৰতিষ্ঠা লাভ কৰা শিক্ষানুষ্ঠান খনৰ নাম নৰপতি জাতীয় বিদ্যালয় ৷ এই উপলক্ষে আজি পুৱা শিক্ষানুষ্ঠানখনৰ চৌহদত এখন উদ্বোধনী সভাৰ আয়োজন কৰা হয় ৷ অনুষ্ঠানত পুৱা ৮-৩০ বজাত গণতন্ত্ৰ দিৱস উপলক্ষে জাতীয় পতাকা উত্তোলন কৰে আলহাজ আনোৱাৰ হুছেইনে ৷ ১০ বজাত নৰপতি জাতীয় বিদ্যালয়ৰ দ্বাৰ মুকলি কৰে পণ্ডিত দীনদয়াল উপাধ্যায় আদৰ্শ মহাবিদ্যালয়,আমজোঙাৰ অধ্যক্ষ ড° নৱজ্যোতি শৰ্মাই ৷ ১০ বজাৰ পৰা অনুষ্ঠিত হয় উদ্বোধনী সভা ৷ অৱসৰপ্ৰাপ্ত বিদ্যালয় পৰিদৰ্শক আলহাজ আনোৱাৰ হুছেইনৰ সভাপতিত্বত অনুষ্ঠিত সভা খনৰ উদ্দেশ্য ব্যাখ্যা কৰে নৰপতি জাতীয় বিদ্যালয় পৰিযালনা সমিতিৰ সম্পাদক নাছিৰ উদ্দিন আহমেদে ৷ হাব্ৰাঘাট মহাবিদ্যালয়,কৃষ্ণাইৰ অৱসৰপ্ৰাপ্ত অধ্যাপক জোনাৱ আলীয়ে উদ্বোধনী গীত পৰিবেশন কৰা সভাখনত পৰিচালনা সমিতিৰ হৈ ভাষণ প্ৰদান কৰে বিদ্যালয় পৰিচালনা সমিতিৰ কোষাধ্যক্ষ ছাহেৰা বেগম(মীৰা)য়ে ৷ সাংবাদিক নীলমণি শৰ্মাই আঁত ধৰা উদ্বোধনী সভাখনত হাব্ৰাঘাট মহাব

প্ৰতিবেদক, ৰঙিয়া, ২৭ জানুৱাৰীঃ শঙ্কৰ আজান স্বচ্চতা হি সেৱাৰ উদ্যোগত ৭২ সংখ্যক গণৰাজ্য দিৱস উপলক্ষে কালি এক ব্যাপক বৃক্ষৰোপনৰ কাৰ্যসূচী হাতত লয়। সাহানাস্থিত ৰঙিয়া অসামৰিক চিকিৎসালয় চৌহদত দিনৰ ভাগত অনুষ্ঠিত এই বৃক্ষৰোপন কাৰ্যসূচীত অসামৰিক চিকিৎসালয়খনৰ জ্যেষ্ঠ চিকিৎসক ডাঃ মুকুল ভট্টাচাৰ্য, কাৰ্য্যালয় সহায়ক গৌতম কলিতা, অমূল্য বৈশ্যসহ শঙ্কৰ আজান স্বচ্চতা হি সেৱাৰ সভাপতি চৈয়দ জাকিৰ হুছেইন, উপ সভাপতি বাবুল আলী, সাধাৰণ সম্পাদক ভোলা বাচফৰ, সহকাৰী সাধাৰণ সম্পাদক জিয়াউৰ ৰহমান, কোষাধ্যক্ষ চৈয়দ ফৰজুল ইছলাম, প্ৰচাৰ সম্পাদক নুৰ ই আলাম, ডাটা সংগ্ৰহক দিলীপ কুমাৰ মহন্ত সহ সক্ৰিয় সদস্য ৰেজ্জাক আলীৰ উপৰিও কেবাগৰাকীও বিশিষ্ট ব্যক্তিৰ লগতে চিকিৎসালয়খনৰ কৰ্মকৰ্তাৰ সৈতে কিছু চিকিৎসালয় খনত উপস্থিত হোৱা ৰোগীয়ে অংশগ্ৰহণ কৰে।ইতিমধ্যে শঙ্কৰ আজান স্বচ্চতা হি সেৱাৰ সংস্থাটোৱে ৰঙিয়া চহৰখনত পূৰ্বৰে পৰা বহুকেইটা কাৰ্যসূচী হাতত লৈ ৰাইজৰ সমাদৰ লাভ কৰিবলৈ সক্ষম হৈছে।উল্লেখ্য যে, দেশত কৰ'না ভাইৰাছ মহামাৰী সংক্ৰমণ ৰোধ কৰিবলৈৈ দেশজুৰি প্ৰধানমন্ত্ৰীৰ আহ্বানমৰ্মে হোৱা লকডাউন কাৰ্যসূচীৰ ফলত একাংশ দৰিদ্ৰ

নগাঁৱৰ পৰা জয়ন্ত মুদৈ, ২৭ জানুৱাৰীঃ বিগত বৰ্ষবোৰৰ দৰে এইবেলিও নগাঁও জিলাৰ ধিং চহৰীয়াৰৰ সাৰ্ব্বজনীন বাথৌ মন্দিৰত মঙলবাৰে ব্যাপক উৎসাহ-উদ্দীপনাৰ মাজেৰে দিনযোৰা বিস্তৃত কাৰ্যক্ৰমণিকাৰে পৰম্পৰাগত বাথৌ পূজা উদযাপন কৰা হয় । তদুপলক্ষে বৃহত্তৰ অঞ্চলটোত এক উৎসৱ মুখৰ পৰিৱেশ বিৰাজ কৰা পৰিলক্ষিত হয় । কিয়নো শিশুৰ পৰা আৱাল-বৃদ্ধ-বণিতাই উচ্চ-নীচ পাহৰি অনাবিল স্ফুৰ্তি-তামাচাৰ মাজেৰে এই উৎসৱৰ কাৰ্যসূচীত অংশগ্ৰহণ কৰি এক মনোমোহা পৰিবেশৰ সৃষ্টি কৰে। আনকি পৰম আনন্দ-উল্লাসেৰে পৰম্পৰাগত নৃত্যত কৰি সমূহীয়া পূজা-অৰ্চনাত ভাগলৈ সকলোয়েই একপ্ৰকাৰে ভক্তি ৰসত বুৰ যায় । এই বাথৌ পূজা উপলক্ষে পুৱাৰ ভাগত বাথৌ মহাসভা, পতাকা উত্তোলন, শ্ৰদ্ধাঞ্জলি অনুষ্ঠান, মন্দিৰ সুদ্ধিকৰণ, প্ৰাৰ্থনা আদি বিভিন্ন কাৰ্যসূচী ৰূপায়ণ কৰাৰ পিছতে স্থানীয় অঞ্চলৰ মাজেৰে এটি ধৰ্মীয় শোভাযাত্রা উলিওৱা হয় ৷ তদুপৰি বিয়লি এই পূজাৰ আন এক পৰম্পৰা লক্ষিমী চপোৱা কাৰ্যসূচী সম্পাদন কৰা হয়। স্মৰ্তব্য যে, বিগত ১৯৮৭ চনৰে পৰা পৰম্পৰাগতভাবে ধিং চহৰীয়াৰৰ সাৰ্ব্বজনীন বাথৌ মন্দিৰত স্থানীয় অঞ্চলবাসী ৰাইজে বেছ ওলহ-মালহেৰে উদযাপন কৰি আহিছে বাথৌ পূজা ।

নগাঁৱৰ পৰা জয়ন্ত মুদৈ, ২৬ জানুৱাৰীঃ উত্তৰ পূব ভাৰতৰ অন্যতম বৃহৎ ধৰ্মীয় আৰু সামাজিক সংগঠন মহাপুৰুষ শ্ৰীমন্ত শংকৰদেৱ সংঘৰ আগন্তুক দুটা বৰ্ষৰ বাবে পদাধিকাৰ হিচাপে দ্বিতীয়বাৰৰ বাবে নিৰ্বাচিত হৈছে কমলাকান্ত গগৈ । নগাঁও চহৰৰ কলংপাৰস্থিত শ্ৰীমন্ত শংকৰদেৱ সংঘৰ মূল কাৰ্যালয়ত হোৱা ভোট গণনাৰ অন্তত ১৭৬০ টা ভোট লাভ কৰি ৯৭৮ ভোটৰ ব্যৱধানত কমলাকান্ত গগৈ সংঘৰ পদাধিকাৰ হিচাপে পুনৰ নিৰ্বাচিত হৈছে । য়োৱা অক্টোবৰ মাহৰ পৰা আৰম্ভ হোৱা পদাধিকাৰ পদৰ নিৰ্বাচনী প্ৰক্ৰিয়াৰ পিছত ৰাজ্য খনৰ বিভিন্ন প্ৰান্তত থকা সংঘৰ ৩ হাজাৰ ৬৫ খন প্ৰাথমিকে ভোট দান সাব্যস্ত কৰাৰ পাছত সংবিধান অনুসৰি সংঘৰ মূল কাৰ্য্যালয়ত এই ভোট গণনা প্ৰক্ৰিয়া অনুষ্ঠিত হয় । এইবাৰ পদাধিকাৰ হিচাপে প্ৰতিদ্বন্দিতাত অবতীৰ্ণ হৈছিল ডিব্ৰুগড় জিলাৰ কমলাকান্ত গগৈ, গোলাঘাট জিলাৰ পবিত্ৰ প্ৰাণ বৰা আৰু মৰিগাঁও জিলাৰ  পুনিৰাম পাটৰ। উল্লেখযোগ্য যে, উত্তৰ-পূব ভাৰতৰ সর্ববৃহৎ ধর্মীয়, সামাজিক, সাংস্কৃতিক অনুষ্ঠান শ্রীমন্ত শংকৰদেৱ সংঘৰ পদাধিকাৰ হিচাপে পুনৰবাৰ নির্বাচিত কমলাকান্ত গগৈৰ জন্ম হৈছিল ১৯৪১ চনৰ ২০ অক্টোবৰত শিৱসাগৰ জিলাৰ মেজেঙা খঙীয়া গাঁৱত ৷ তেওঁৰ

ৰঙিয়াৰ পৰা পহৰেদ আলী আহমেদঃ ২৬ জানুৱাৰীঃ ২০২১ বৰ্ষৰ পি এম ৰাষ্ট্ৰীয় বালক পুৰস্কাৰ ভাৰতৰ কেইবাখনো ৰাজ্যৰ লগতে অসমৰ এগৰাকী ছাত্ৰয়ো এই শিশু বটা পাবলৈ সক্ষম হৈছে। ৰঙিয়া চাৰ্চ পাব্লিক ইংলিছ স্কুলৰ ছাত্ৰ তথা ৰঙিয়া টাউন ১ নং ৱাৰ্ডৰ ষ্টেচন পথৰ বাসিন্দা বিশিষ্ট সাংবাদিক পিতৃ তাপস সমাদ্দাৰ আৰু মাতৃ শৰ্বৰী সমাদ্দাৰৰ একমাত্ৰ পুত্ৰ তনুজ সমাদ্দাৰ এইবেলি কলা সংস্কৃতি শিতানত প্ৰধানমন্ত্ৰী ৰাষ্ট্ৰীয় শিশু পুৰস্কাৰ লাভ কৰি ৰাজ্যখনলৈ গৌৰৱ কঢ়িয়াই আনিছে। সৰুকালৰে পৰা ছবি আকি ভাল পোৱা তনুজ সমাদ্দাৰে ইতিমধ্যে কোভিড-১৯ সময়ছোৱাত অনলাইন প্ৰতিযোগিতাত ৰাজ্যৰ লগতে দেশ বিদেশৰ চিত্ৰাংকন প্ৰতিযোগিতাত অংশগ্ৰহণ কৰি কেইবাটাও শ্ৰেষ্ঠত্বৰ বটা লাভ কৰিবলৈ সক্ষম হৈছিল। ইতিমধ্যে জানিব পৰা মতে তনুজ সমাদ্দাৰে জাপান, ৰাছিয়া, আমেৰিকা, বুলগেৰিয়া, ইউক্ৰেইন আদি দেশৰ চিত্ৰাংকন প্ৰতিযোগিতাত অংশগ্ৰহণ কৰি ২০ আন্তৰ্জাতিক বটা ,৫০ ৰাষ্ট্ৰীয় আৰু ২০ ৰাজ্যিক বঁটাৰে লাভ কৰি ৰাজ্যখনলৈ সন্মান আনিছিল। উচ্চ শিক্ষা গ্ৰহণৰ সময়ত ভৱিষ্যতে তনুজ সমাদ্দাৰে দেশৰ আগশাৰীৰ চিত্ৰকলা শিক্ষানুষ্ঠানত নামভৰ্তিৰ কৰি এজন স্থাপত্যকলা হোৱাৰ সপোন পুহ

ডিব্ৰুগড় : সদৌ অসম বাঙালী যুৱ-ছাত্ৰ ফেডাৰেচন ডিব্ৰুগড় জিলা সমিতিৰ অন্তৰ্ভুক্ত নালিয়াপুল শাখা সমিতি আৰু নালিয়াপুল মহিলা সমিতিৰ উদ্যোগত নালিয়াপুল দুৰ্গাবাৰী মন্দিৰত 125তম জন্ম জয়ন্তী পালন কৰা হয়। পোৱা 7 বজাত আজাদ হিন্দ ফৌজীৰ পতাকা উত্তোলন কৰে কেন্দ্ৰীয় সমিতিৰ কাৰ্যকৰী সভাপতি শ্রীযুত নিৰ্মল কান্তি শীল সংগঠনৰ পতাকা উত্তোলন কৰে জিলা সমিতিৰ সম্পাদক বাপি চৰকাৰ। 10 বজাত শোভাযাত্ৰা দুৰ্গাবাৰী মন্দিৰৰ পৰা গ্ৰেহেম বজাৰ পল্টন বজাৰ চেওজপুৰ হৈ দুৰ্গাবাড়িত শেষহৈ। সন্দিয়া 6 বজাত দুৰ্গাবাৰী মন্দিৰত মুকলি সভা অনুষ্ঠিত হয়। উক্ত সভাত মুখ্য অতিথি কেন্দ্ৰীয় সমিতিৰ কাৰ্যকৰি সভাপতি নিৰ্মল কান্তি শীল, ডিব্ৰুগড় জিলা সমিতিৰ সম্পাদক বাপি চৰকাৰ, জিলা সমিতিৰ মুখপাত্ৰ অপন দাস,সাংগঠনিক সম্পাদক দ্বীপঙ্কৰ ৰায় বিশিষ্ট সমাজ সেৱক ডঃ সৈকত পাত্ৰ, কৈৱৰ্ত যুৱ ছাত্ৰ সন্মিলনৰ কেন্দ্ৰীয় সমিতিৰ সভাপতি জয়ন্ত দাস, বিশ্ব বঙ্গ সাহিত্য সংস্কৃতি সন্মিলনৰ কেন্দ্ৰীয় সমিতিৰ উপ-সভাপতি চন্দন মজুমদাৰ কানৈ মহাবিদ্যালয়ৰ অধ্যক্ষ ডঃ শশিকান্ত শইকীয়া, স্বচ্ছ ভাৰত অভিযানৰ আহ্বায়াক  দিলীপ সিং সমাজ সেৱক শৰৎ দেউৰী, নালিয়াপুল অঞ্চলৰ বিশিষ্ট

নগাঁৱৰ পৰা জয়ন্ত মুদৈ, ২৫ জানুৱাৰীঃ অখিল ভাৰতীয় সাহিত্য পৰিষদৰ নগাঁও জিলা শাখাৰ এখন সাহিত্য আলোচনা সভাত সভাৰ সচিব চন্দ্ৰ শ‌ইকীয়াৰ 'অল্পভাষ' শীৰ্ষক এখনি অণুলেখা সংকলন উন্মোচন কৰা হয়। নগাঁও হোমিওপেথ্যিক কলেজত দেওঁবাৰে বিয়লি অনুষ্ঠিত হোৱা আলোচনা সভাত উক্ত গ্ৰন্থখনি উন্মোচন কৰি বিশিষ্ট কথাশিল্পী ভদ্ৰেশ্বৰ ৰাজখোৱাই এনে ধৰণৰ চুটি চুটি লেখাৰে সমৃদ্ধ নতুন গ্ৰন্থ‌ই নতুন চাম লেখকক নিশ্চয় আকৃষ্ট কৰিব বুলি অভিমত ব্যক্ত কৰে। সভাত উপস্থিত থাকি নগাঁও মহাবিদ্যালয়ৰ হিন্দী বিভাগৰ সদ্য অৱসৰপ্ৰাপ্ত অধ্যাপক ড° দিলীপ শৰ্মাই গ্ৰন্থখনৰ লিখন পদ্ধতিৰ প্ৰশংসা কৰাৰ বিপৰীতে লেখিকা কাৰুণ্য ভট্টাচাৰ্যই লেখকৰ অনমনীয় একক চিন্তা সমৃদ্ধ চুটি চুটি লেখা বিলাকে নতুন চামৰ অন্তৰত ৰেখাপাত কৰিবলৈ সমৰ্থ হোৱাৰ লগতে  লেখকৰ এই নতুন ধাৰাৰ লিখনি সমূহে ধাৰাবাহিকতা ৰাখিব বুলি আশা ব্যক্ত কৰে। তদুপৰি সভাত কবি কুমুদ শ‌ইকীয়াই লেখকৰ এই নতুন ধাৰাৰ গ্ৰন্থখনে ভাৰতীয় সাহিত্যত সমাদৰ লাভ কৰিব বুলি উল্লেখ কৰি তেওঁ গ্ৰন্থখন হিন্দী ভাষালৈ অনুবাদ কৰিব বুলিও দোহাৰে ৷ সভাত লেখক হৰিদেৱ মহন্ত, গোপীকান্ত বৰা, লক্ষ্মী বৰা, অনিম

নগাঁৱৰ পৰা জয়ন্ত মুদৈ, ২৫ জানুৱাৰীঃ নগাঁও জিলাৰ বেবেজীয়াৰ দাঁতি কাষৰীয়া বৃহত্তৰ দক্ষিণপাট অঞ্চলত ১৯৪৬ চনতে কেইগৰাকীমান সমাজহিতৈষী ব্যক্তিৰ আপ্ৰাণ চেষ্টাত প্ৰতিষ্ঠা লাভ কৰা ঐতিহ্যমণ্ডিত দক্ষিণপাট উচ্চতৰ মাধ্যমিক বিদ্যালয়খনে চলিত বৰ্ষত ৭৫ বছৰত ভৰি দিয়া উপলক্ষে ইয়াৰ মহাৰজত জয়ন্তীৰ উদযাপনৰ বাবে দেওঁবাৰে বিয়লি বিদ্যালয়ৰ সভাগৃহত এখনি ৰাজহুৱা সভা অনুষ্ঠিত কৰা হয় ৷ বিশিষ্ট শিক্ষাবিদ তথা শ্ৰীমন্ত শংকৰদেৱ সংঘৰ প্ৰাক্তন প্ৰধান সম্পাদক প্ৰফুল্ল চন্দ্ৰ বৰাৰ সভাপতিত্বত অনুষ্ঠিত হোৱা সভাখনিৰ উদ্দেশ্য ব্যাখ্যা কৰে বিদ্যালয়ৰ অধ্যক্ষ গকুল চন্দ্ৰ দাসে ৷ সভাত অৱসৰপ্ৰাপ্ত শিক্ষক টংকেশ্বৰ দাস, প্ৰাক্তন অধ্যক্ষ তৰুণ চন্দ্ৰ দাস, খণ্ড প্ৰাথমিক শিক্ষা বিষয়া চন্দ্ৰ কান্ত সেনাপতি, মোহিনী মোহন লস্কৰ, বিদ্যালয় পৰিচালনা সমিতিৰ সভাপতি জীৱন চন্দ্ৰ শৰ্মা, পাখিমৰীয়া মণ্ডল বিজেপিৰ সভাপতি নৰেন দাস, দক্ষিণপাট গাঁও পঞ্চায়তৰ সভাপতি যুগ প্ৰসাদ বৰদলৈ, সমাজকৰ্মী ধৰনী ভৰালী, ঘন দাস, শশী ডেকা, প্ৰবিন মজুমদাৰ, গজেন চন্দ্ৰ দাসকে প্ৰমুখ্যে কৰি বহুকেইজন গন্যমান্য ব্যক্তিয়ে বিদ্যালয়খনৰ বিগত সময়ছোৱাৰ মধুৰ স্মৃতি ৰোমন্থন কৰি

ষ্টাফৰিপোৰ্টাৰ, ২৫ জানুৱাৰী : কিশ্মা ভেঞ্চাৰ অসমৰ এক সামাজিক উদ্যোগ ষ্টাৰ্টআপে "মন পখিলা-এগৰাকী মহিলাৰ  সপোন" শীৰ্ষক অনুষ্ঠানটোৰ চিজন ২ সোমবাৰে গুৱাহাটী প্ৰেছক্লাৱত ঘোষণা কৰে। যিসকল বিবাহিত মহিলাই তেওঁলোকৰ সাংস্কৃতিক আৰু সৃষ্টিশীল প্ৰতিভা প্ৰদৰ্শন কৰিবলৈ কোনো সমৰ্থন লাভ নকৰে তেওঁলোকক এই অনুষ্ঠানটোৱে প্ৰতিভা প্ৰদৰ্শনৰ এক মঞ্চ প্ৰদান কৰে।  এই  অনুষ্ঠানৰ ধাৰণাটোৱে মুখ্যতঃ সেই মধ্যবিত্ত মহিলাসকলৰ ওপৰত গুৰুত্ব দিয়ে, যিসকল প্ৰতিভাশালী আৰু শিক্ষিত কিন্তু তেওঁলোকৰ বেছিভাগেই ব্যক্তিগত আৰু পাৰিবাৰিক কাৰণৰ বাবে নিজৰ পৰিচয় হেৰুৱাইছে। মন পখিলাই তেওঁলোকৰ এই ৰূপান্তৰৰ পৰিক্ৰমা প্ৰতিভা, ব্যক্তিত্ব, নেতৃত্ব, আভ্যন্তৰীণ বিকাশ আৰু জীৱনসংগীৰ সৈতে পৰামৰ্শমূলক  আলোচনাসহ এক বৃহৎ কভাৰেজসহ অধিক প্ৰভাৱশালী কৰি তোলে।  মন পখিলাৰ ৱেবছাইট  www.kishmaventure.com ত অনলাইন পঞ্জীয়ন প্ৰক্ৰিয়া উপলব্ধ  আৰু ইচ্ছুক অংশগ্ৰহণকাৰী সকলে অডিচনৰ দিনা ৫ আৰু ৬ ফেব্ৰুৱাৰীত দিনৰ ১২:৩০ বজাৰ পৰা বিয়লি ৪ বজালৈকে এন.একছ.টি জিম,এ.বি.চি.,গুৱাহাটীত ঠাইতে পঞ্জীয়ন কৰাব পাৰিব। অডিচনৰ বিচাৰকমণ্ডলী ৰূপে থাকিব  প্ৰিয়াংক

ষ্টাফৰিপোৰ্টাৰ, ২৫ জানুৱাৰী : গুৱাহাটীৰ মণিৰাম দেৱান ট্রেড চেণ্টাৰত ৫ ফেব্ৰুৱাৰীৰ পৰা অনুষ্ঠিত হ'ব আন্তঃৰাষ্ট্ৰীয়  লিঅ' এক্সপ'। দেশী-বিদেশী ৰাষ্ট্ৰৰ বিপনীয়ে অংশগ্ৰহণ কৰিব এই এক্সপ'ত। সোমবাৰে গুৱাহাটী প্ৰেছক্লাবত অনুষ্ঠিত এখন সংবাদমেলযোগে এইকথা সদৰী কৰে অভিনেত্ৰী নিশিতা  গোস্বামীয়ে। তেওঁ লগতে কয় ' এই এক্সপ' প্ৰতিদিনে পুৱা ১১ বজাৰ পৰা নিশা ৯ বজালৈ মুকলি থাকিব। এই এক্সপ'ত আচবাব, সাজ-পোছাক, জোতা-চেণ্ডেল, ৰান্ধনীঘৰৰ সামগ্রী, হস্ততাত আৰু হস্তশিল্প জাতৰ সামগ্রী, খাদ্য সামগ্রী আদি পোৱা যাব। এইবাৰ ইৰাণ, বাংলাদেশ, আফগানিস্তান, থাইলেণ্ড আদি দেশৰ প্ৰতিনিধিয়ে এই এক্সপ'লৈ আনিব তেওঁলোকৰ দেশৰ বিখ্যাত সামগ্ৰী সমূহ। ৰাজ্য চৰকাৰৰ 'অসম ট্রেড প্ৰমোচন অৰ্গেনাইজেশ্বেনে সহযোগ  কৰা আৰু লিঅ' এডভাৰ্টাইজিগে আয়োজন কৰা লিঅ' এক্সপ ত ভাৰতবৰ্ষৰ ভিন্ন প্ৰান্তৰৰ ব্যৱসায়ীয়ে অংশগ্ৰহণ কৰিব। ৰাজস্থানৰ ৰজাই আৰু চেলোৱাৰ, তামিলনাডুৰ কাঞ্চীভৰম শাড়ী আৰু অলংকাৰ, কাশ্মীৰৰ গৰম লক্ষ্মৌৰ কুৰ্তী, পাঞ্জাৱৰ জোতা-ছেণ্ডেল আদি পোৱা যাব লিঅ' এক্সপ।বড়োলেণ্ডৰ উদ্যোগ আৰু বাণিজ্য বিভাগ

সংবাদ মেলত সম্বোধনেৰে মহোৎসৱৰ কাৰ্যসূচী সদৰী আয়োজ সমিতিৰ বজালীৰ ভৱানীপুৰত তৃতীয় সংখ্যক পহুমাৰা মহোৎসৱ কাইলৈৰ পৰা আৰম্ভ হ'ব। ভৱানীপুৰ উচ্চতৰ মাধ্যমিক খেলপথাৰত সাদিনীয়াকৈ বৰ্ণাঢ্য কাৰ্যক্ৰমণিকাৰে আয়োজন কৰা মহোৎসৱ উপলক্ষে ইতিমধ্যে ব্যাপক  প্রস্তুতি সম্পন্ন কৰা হৈছে বুলি আজি মহোৎসৱ আয়োজক সমিতিয়ে ভৱানীপুৰত আবেলি অনুষ্ঠিত কৰা এখন সংবাদ মেলত সদৰী কৰিছে। মহোৎসৱৰ কাৰ্যক্ৰমণিকামতে, কাইলৈ পুৱা পহুমাৰা মহোৎসৱৰ পতাকা উত্তোলন, শ্বহীদ তৰ্পণ,স্মৃতি তৰ্পণ ,বাৰে ৰহণীয়া সাংস্কৃতিক শোভাযাত্ৰাৰ পাছত দহ বজাত পহুমাৰা মহোৎসৱৰ উদ্বোধন কৰিব সত্র ৰত্ন,  শ্রীমন্ত শংকৰদেৱ বঁটা প্রাপক বশিষ্ঠ দেৱ শৰ্মাই। উদ্বোধন উপলক্ষে এখন সভাৰো আয়োজন কৰা হৈছে। মহোৎসৱত নৃত্য, কুইজ, তৰ্ক, দেহশ্রী, সৌন্দৰ্য, ঘোষা নাম ,চিত্রাংকণ ,ভূপেন্দ্ৰ সংগীত, জ্যোতি সংগীত আদি প্রতিযোগিতাৰ আয়োজন কৰাৰ লগতে চিত্র কৰ্মশালা , প্রদৰ্শনী ,অকণিৰ মেল, যুৱ চ'ৰা , গীত আৰু কবিতাৰ যুগল বন্দী, লোক কৃষ্টি সমাৰোহ, স্থানীয় বিদ্যালয়, মহাবিদ্যালয়ৰ বিচিত্রানুষ্ঠান ,যোগ প্রশিক্ষণ শিবিৰ ,মুখপত্র 'পহুমাৰা ' উন্মোচন , সাংস্কৃতিক অনুষ্ঠান আদি

গোৱালপাৰা জিলাৰ আগিয়া আৰক্ষী থানাৰ অন্তৰ্গত টুকুৰা তৃতীয় খণ্ড নিবাসী খয়ৰুদ্দিন আলী (৬০) নামৰ বয়োজ্যেষ্ঠ ব্যক্তি জন যোৱা বুধবাৰৰ পৰা সন্ধানহীন হৈ থকা বুলি জানিব পৰা গৈছে ৷ পৰিয়ালৰ এক সূত্ৰই জনোৱা অনুসৰি, মানসিক ভাৰসাম্যহীনতাত ভুগি থকা লোক জনে কৃষ্ণাইৰ বুধবৰীয়া সাপ্তাহিক বজাৰৰ পৰা সন্ধানহীন পৰে ৷ তেওঁলোকৰ চিনাকি লোকে মানুহজনক বকোৰ কাষৰীয়া  হাহিম পথত দেখা পোৱা বুলি জনাইছিল যদিও আজিও খয়ৰুদ্দিন আলীৰ শুংসূত্ৰ বিচাৰি পোৱা নাই ৷ পৰিয়ালৰ লোকে লোক জনৰ কিবা সম্ভেদ পালে তলৰ ফোন নম্বৰত যোগাযোগ কৰিবলৈ অনুৰোধ জনাইছে ৷ ফোন নম্বৰঃ8099100948, 9707995352  কৃষ্ণাইৰ পৰা কন্দৰ্প কুমাৰ দেৱ নাথ, first news repo

নগাঁৱৰ পৰা জয়ন্ত মুদৈ, ২৪ জানুৱাৰীঃ অসমীয়াৰ বাপতিসাহোন ভোগালী বিহুৰ ঐতিহ্য আৰু পৰম্পৰাক সাৰোগত কৰি নগাঁও জিলাৰ বেবেজীয়াৰ সমীপৰ ঘাঁহী ভাটিকুৰি পথাৰত দেওঁবাৰে এখনি ম’হযুঁজ প্ৰতিযোগিতা অনুষ্ঠিত কৰা হয়। উচ্চতম ন্যায়ালয়ৰ নিষেধাজ্ঞা সত্ত্বেও একমাত্ৰ পূৰ্ব পৰম্পৰা অটুট ৰাখি ভোগালীৰ আনন্দ-উছাহক আওকাণ কৰিব নোৱাৰি ঘাঁহী আঞ্চলিক ম’হযুঁজ উদযাপন সমিতিয়ে মাঘ মাহৰ দ্বিতীয় দেওঁবাৰ উপলক্ষে এই প্ৰতিযোগতাখনি উলহ-মালহেৰে অনুষ্ঠিত কৰে ৷ এই মৰ্মে, পুৱা ৯ বজাত উদযাপন সমিতিৰ সভাপতি জ্যোতি প্ৰসাদ বৰাই পতাকা উত্তোলন আৰু সম্পাদক ভোলা দাসে বন্তি প্ৰজ্বলন কৰাৰ পিছতে আৰম্ভ হোৱা প্ৰতিযোগিতাখনিত সমবেত হোৱা সহস্ৰাধিক লোকে ম’হযুঁজ উপভোগ কৰে ৷ বিভিন্ন প্ৰান্তৰ ১৬ যোৰা যুঁজাৰু গুনা ম’হে অংশগ্ৰহণ কৰা প্ৰতিযোগিতাখনিত জাগীয়াল পেটবঢ়াৰ মিন্টু বৰাৰ ম’হটোয়ে মুঠ ২৫ মিনিট যুঁজ প্ৰদৰ্শন কৰি প্ৰথম পুৰস্কাৰ অৰ্জন কৰাৰ বিপৰীতে জাগীয়ালৰ খগেন দাসৰ ম’হটোয়ে ১৬ মিনিট আৰু কামপুৰৰ ভাৰত দাসৰ ম’হটোয়ে ১২ মিনিট যুঁজ প্ৰদৰ্শন কৰি ক্ৰমে দ্বিতীয় আৰু তৃতীয় পুৰস্কাৰ লাভ কৰিবলৈ সক্ষম হয় ৷ প্ৰতিযোগিতাৰ অন্তত বিয়লি বিজয়ী ম’হৰ গৰাকীক পুৰস্কা

নগাঁৱৰ পৰা জয়ন্ত মুদৈ, ২৩ জানুৱাৰীঃ অসম সাহিত্য সভাৰ 'ৰামধেনু'ৰ সহযোগত আৰু আলিপুখুৰী শাখা সাহিত্য সভাৰ উদ্যোগত শনিবাৰে মহাপুৰুষ শ্ৰীমন্ত শংকৰদেৱ গুৰুজনাৰ পবিত্ৰ জন্মভূমি বটদ্ৰৱাৰ শ্ৰীমন্ত শংকৰদেৱ গৱেষণা প্ৰতিষ্ঠানত এখনি বিশেষ কবি সন্মিলন অনুষ্ঠিত কৰা হয় ৷ এই মৰ্মে, পুৱাৰ ভাগত পতাকা উত্তোলন কৰে আলিপুখুৰী শাখা সাহিত্য সভাৰ সভাপতি ইন্দ্ৰমোহন বৰুৱাই আৰু ছহীদ তৰ্পন কৰে বটদ্ৰৱা শলগুৰি সত্ৰৰ সত্ৰাধিকাৰ যোগেন্দ্ৰ নাৰায়ণ দেৱ মহন্তই । ইয়াৰ পিছতে নগাঁও জিলা সাহিত্য সভাৰ আকাশ উপ সমিতিৰ আহ্বায়িকা তথা বিশিষ্ট কবি দিপ্তী বৰা শইকীয়াৰ সঞ্চালনাত বিশেষ কবি সন্মিলনখনি অনুষ্ঠিত হয় ৷ কবি সন্মিলখনিৰ শুভাৰম্ভৰ পূৰ্বে পদ্মনাথ গোহাঞি বৰুৱাৰ প্ৰতিচ্ছবিত বন্তি প্ৰজ্বলন আৰু পুস্পাঞ্জলি অৰ্পণ কৰে বটদ্ৰৱা নৰোৱা সত্ৰৰ সত্ৰাধিকাৰ দেৱানন্দ দেৱগোস্বামীয়ে । অসম সাহিত্য সভাৰ ৰামধেনু উপ সমিতিৰ সহযোগী আহ্বায়ক কন্দৰ্প কুমাৰ কলিতাই আঁত ধৰা অনুষ্ঠানত ৰাজ্যৰ বিভিন্ন প্ৰান্তৰ অৰ্ধ শতাধিক নবীন-প্ৰবীন কবিয়ে পাঠ কৰা কবিতাৰ সুুমধুুৰ ধ্বনিৰে অনুুুষ্ঠাস্থলী মুখৰিত হৈ পৰে । উক্ত অনুষ্ঠানতে কবি শংকুসিদ্ধ নাথৰ &quo

কাকপথাৰ : অসমৰ অন্যতম ভুমিপুত্ৰ জনগোষ্ঠী মৰাণ সকলৰ দীৰ্ঘদীনিয়া দাবী মৰাণ জনগোষ্ঠীক জনজতিকৰণৰ দাবীত আজি কাকপথাৰৰ লগতে ডিৰাকত জোঁৰ সমদল বাহিৰ কৰি প্ৰতিবাদ সাব্যস্ত কৰে ৷ সদৌ মৰাণ ছাত্ৰ সন্থাৰ কেন্দ্ৰীয় সমিতিৰ নিৰ্দেশ মৰ্মে কাকপথাৰ আঞ্চলিক মৰাণ ছাত্ৰ সন্থাই তিনিআলিস্থিত নিজ কাৰ্যালয়ৰ পৰা কাকপথাৰ থানা কাৰ্যালয়লৈ সমদল বাহিৰ কৰিবলৈ আগবাঢ়িছিল যদিও কাকপথাৰ তিনিআলিত কাকপথাৰ আৰক্ষীয়ে বাধা প্ৰদান কৰে ৷ অৱশেষত এখন প্ৰতিবাদী সভাৰ যোগেদি কাকপথাৰ তিনিআলিতে কাৰ্যসুচী সমাপ্ত কৰে সংগঠনটোৱে ৷ সমান্তাৰলভাবে ডিৰাক আঞ্চলিক মৰাণ ছাত্ৰ সন্থাই নিজ কাৰ্যালয়ৰ পৰা ১৫নং ৰাষ্ট্ৰীয় ঘাইপথেদি হৈ ডিৰাক চাৰিআলিত এখন প্ৰতিবাদী সভাৰ যোগেদি জোঁৰ সমদল কাৰ্যসুচী সমাপ্ত কৰে ৷ প্ৰতিবাদকাৰী সকলে বিজেপি চৰকাৰ হুছিয়াৰ, মৰাণ ছাত্ৰ সন্থা জিন্দাবাদ, জনজাতিকৰণ লাগিবই ইত্যাদি শ্লগানে কাকপথাৰ, ডিৰাকৰ আকাশ বতাঁহ কপাঁই তোলে ৷

বঙাইগাঁওঃ ২২ জানুৱাৰীঃ সদৌ অসম ছাত্ৰ সন্থাই নাগৰিকত্ব সংশোধনী আইন ২০১৯ বাতিল কৰা, পাৰিৱেশিক প্ৰভাৱ নিৰূপণ অধিসূচনা ২০২০ প্ৰত্যাহাৰ, অসম চুক্তি অনুসৰি জ্বলন্ত বিদেশী সমস্যা সমাধানৰ দাবীত আজি ৰাজ্যজুৰি গ্ৰহণ কৰা জোঁৰ সমদল কাৰ্যসূচী ৰূপায়ণৰ ক্ষেত্ৰত বঙাইগাঁৱত প্ৰতিবাদকাৰীক আৰক্ষীয়ে বাধা প্ৰদান কৰে ৷ সদৌ অসম ছাত্ৰ সন্থাৰ আহ্বান মৰ্মে সদৌ বঙাইগাঁও জিলা ছাত্ৰ সন্থাই উল্লেখিত দাবীৰ সমৰ্থনত সন্ধিয়া বঙাইগাঁৱস্থিত ছহিদ ভৱনৰ  পৰা জোঁৰ সমদল কাৰ্যসূচী ৰূপায়ণ কৰাৰ চেষ্টা কৰে যদিও ছহিদ ভৱনৰ পৰা জোঁৰ লৈ ওলোৱাৰ সময়তে প্ৰতিবাদকাৰী আছুকৰ্মীসকলক আৰক্ষীয়ে বাধা প্ৰদান কৰে ৷ ইয়াৰ বাবে বঙাইগাঁও আৰক্ষীয়ে কাৰ্যসূচী আৰম্ভ হোৱাৰ পূৰ্বৰে পৰাই বেহু গঢ়ি তোলা পৰিলক্ষিত হয় ৷ ফলত আছুকৰ্মীসকলে ছহিদ ভৱনৰ চৌহদতে কাৰ্যসূচী ৰূপায়ণ কৰিবলগীয়া হয় ৷ আছু কৰ্মীসকলে ছহিদ ভৱন চৌহদত কা আমি নামানো , কা বাতিল কৰিবই লাগিব , অসম চৰকাৰ হায় হায় , নৰেন্দ্ৰ মোডী গ' বেক , সৰ্বানন্দ সোনোৱাল গ' বেক , নৰেন্দ্ৰ মোডী হায় হায় , জয় আই অসম আদি বিভিন্ন শ্ল'গান দি পৰিৱেশ উত্তাল কৰি তোলে ৷ ইপিনে কাৰ্যসূচী ৰূপায়ণত আৰক্ষীয়ে বাধা প

বিটিআৰৰ পৰা গাওঁ কৰ্তন, জনজাতিকৰণৰ দাবীত বঙাইগাঁৱত যুৱ-ছাত্ৰ সন্মিলনীৰ উদ্যোগত গণ সমাবেশ  কোচ ৰাজবংশী জনগোষ্ঠীয়ে এতিয়া বন্দুক দেখি ভয় নকৰে- ত্ৰিদীপপতি সিংহ  যোগ্য সংগ্ৰামী ব্যক্তিকলৈ কমতাপুৰ স্বায়ত্ত শাসিত পৰিষদ গঠন কৰক- ত্ৰৈলোক্য ৰায়     বঙাইগাঁওঃ২২ জানুৱাৰীঃ কোচ ৰাজবংশী জনগোষ্ঠীয়ে এতিয়া বন্দুক দেখি ভয় নকৰে ৷ পূৰ্বতে জনগোষ্ঠীটোৰ লগত বহুতো প্ৰতাৰণা কৰা হ'ল ৷ নিজ মাতৃ ভূমিতে বিটিচি আৰু শেহতীয়াকৈ বিটিআৰ গঠনৰ নামত জনগোষ্ঠীটোৰ নিজ অধিকাৰ কাঢ়ি লোৱা হ'ল ৷ কিন্তু নিজৰ প্ৰাপ্য অধিকাৰ ঘুৰাই পোৱাৰ ক্ষেত্ৰত কোচ-ৰাজবংশী জনগোষ্ঠীয়ে এতিয়া কাকো ভয় নকৰা হৈছে ৷ কোনোবাই বন্দুক দেখুৱালে জনগোষ্ঠীটো এতিয়া তাৰ প্ৰত্যুত্তৰ দিবলৈ সাজু আছে ৷ এই মন্তব্য সদৌ অসম কোচ-ৰাজবংশী যুৱ - ছাত্ৰ সন্মিলনীৰ মুখ্য উপদেষ্টা ত্ৰিদীপ পতি সিংহৰ ৷ আজি( শুকুৰবাৰে) সদৌ অসম কোচ ৰাজবংশী যুৱ ছাত্ৰ সন্মিলনীৰ উদ্যোগত বঙাইগাঁও চহৰৰ বৰপাৰা ৰাজহুৱা খেল পথাৰত বিটিআৰৰ পৰা গাঁও কৰ্তন ,যোগ্য সংগ্ৰামী ব্যক্তিকলৈ কমতাপুৰ স্বায়ত্ত শাসিত পৰিষদ গঠন ,কোচ ৰাজবংশী জনগোষ্ঠীক শীঘ্ৰে জনজাতিকৰণ আৰু সাংবিধানিক সুৰক্ষাৰ দাবীত আয়োজন কৰা এ