বৰমণিপুৰৰ দ্বৈত বেডমিণ্টনত নেকিবুৰ-চিৰুমণি চেম্পিয়ন

নগাঁৱৰ পৰা জয়ন্ত মুদৈ, ২৭ জানুৱাৰীঃ দেশৰ ৭২ সংখ্যক গণৰাজ্য দিৱস উপলক্ষে নগাঁও-মৰিগাঁও জিলাৰ সীমামূৰীয়া দলংঘাট বৰমণিপুৰত অৱস্থিত ষষ্ঠদশ অসম আৰক্ষী বাহিনী(আই.আৰ)ৰ চাউনীত আয়োজিত দ্বৈত বেডমিণ্টন(পুৰুষ) প্ৰতিযোগিতাত নেকিবুৰ ৰহমান ছিদ্দিকী আৰু চিৰুমণি হাজৰিকাৰ যুটী চূড়ান্ত বিজয়ী হৈছে । ফাইনেলত নেকিবুৰ-চিৰুমণিৰ যুটীয়ে মৃত্যুঞ্জয় দেৱৰয় আৰু পৰীক্ষিত ডেকাৰজাৰ যুটীক ২-০ চেটত পৰাজিত কৰে । মুঠ ১৬টা দলে যোগদান কৰা প্ৰতিযোগিতাৰ অন্তত অনুষ্ঠিত হোৱা সামৰণি অনূষ্ঠানত ষষ্ঠদশ অসম আৰক্ষী বাহিনীৰ উপ-অধিনায়কদ্বয় কমল ফুকন আৰু জ্যোতিপ্ৰসাদ দাস, জ্যেষ্ঠ বিষয়া নিত্যগোপাল মজুমদাৰ আৰু ৰঞ্জিত নেওগ আদিয়ে বিভিন্ন বঁটাসমূহ বিতৰণ কৰে