গোৱালপাৰাৰ দুগৰাকী শিক্ষকলৈ ৰাজ্যিক কীৰ্তি শিক্ষকৰ বঁটাঃ উৎফুল্লিত জিলাবাসী
গোৱালপাৰা জিলাৰ দুগৰাকী শিক্ষক বাছনি হোৱাৰ খবৰে আনন্দিত কৰি তুলিছে জিলা বাসীক ৷ ৰাজ্যিক কৃতী শিক্ষকৰ বঁটাৰ বাবে বাছনি হোৱা শিক্ষক দুগৰাকী হৈছে চন্দন চক্ৰৱৰ্তী আৰু ছাইফউদ্দিন আহমেদ ৷ ইয়াৰে চন্দন চক্ৰৱৰ্তী উচ্চ প্ৰাথমিকৰ আৰু ছাইফউদ্দিন আহমেদ মাধ্যমিকৰ শিক্ষক ৷ টুকুৰা মধ্য ইংৰাজী বিদ্যালয়ৰ সহকাৰী শিক্ষক চন্দন চক্ৰৱৰ্তী আৰু বলবলা উচ্চতৰ মাধ্যমিক বিদ্যালয়ৰ ইংৰাজী বিষয় শিক্ষক ছাইফউদ্দিন আহমেদে এইবেলি ৰাজ্যিক কৃতী শিক্ষকৰ বঁটাৰ বাবে নিৰ্বাচিত হোৱাত গোৱালপাৰা জিলাবাসী উৎফুল্লিত হৈ উঠিছে ৷ উল্লেখ্য যে কাইলৈ ৫ ছেপ্তেন্বৰৰ শিক্ষক দিৱসৰ দিনা গুৱাহাটীৰ কলাক্ষেত্ৰত আয়োজন কৰা এক বিশেষ অনুষ্ঠানত ৰাজ্য চৰকাৰে গোৱালপাৰাৰ চন্দন চক্ৰৱৰ্তী আৰু ছাইফউদ্দিন আহমেদৰ লগতে ৰাজ্য খনৰ মুঠ ৩৬ গৰাকী কীৰ্তি শিক্ষকক এই বঁটা প্ৰদান কৰিব ৷
কৃষ্ণাইৰ পৰা কন্দৰ্প কুমাৰ দেৱ নাথ৷ first news report
Comments
Post a Comment