অসমক আমি সমগ্ৰ দেশৰ ভিতৰতে এখন শক্তিশালী ৰাজ্য হিচাপে প্ৰতিষ্ঠা কৰিব লাগিব - গোৱালপাৰাৰ শ্ৰীসূৰ্য পাহাৰ মহাপীঠস্থানত মুখ্যমন্ত্ৰী সোণোৱাল

অসমক আমি সমগ্ৰ দেশৰ ভিতৰতে এখন শক্তিশালী ৰাজ্য হিচাপে প্ৰতিষ্ঠা কৰিব লাগিব - গোৱালপাৰাৰ শ্ৰীসূৰ্য পাহাৰ মহাপীঠস্থানত মুখ্যমন্ত্ৰী সোণোৱাল

----------------

 অসমক সমগ্ৰ দেশৰ ভিতৰতে এখন শক্তিশালী ৰাজ্য হিচাপে প্ৰতিষ্ঠা কৰিবলৈ আমি সকলোৱে ঐক্যবদ্ধ ভাৱে প্ৰচেষ্টা চলাব লাগিব ৷ তাৰ বাবে আমি মানৱীয় ধ্যান ধাৰণাৰ মাজেৰে কঠোৰ পৰিশ্ৰম কৰি আগুৱাই যাৱ লাগিব ৷  এই

মন্তব্য অসমৰ মূুখ্যমন্ত্ৰী সৰ্বানন্দ সোনোৱালৰ ৷ গোৱালপাৰা জিলাৰ ঐতিহাসিক শ্ৰীসূৰ্য পাহাৰৰ মহাপীঠস্থানত কালিৰে পৰা সাতদিনীয়া বৰ্নাঢ্য কাৰ্যসূচীৰে আৰম্ভ হোৱা বিষ্ণু যজ্ঞ সহ মেলা মহোৎসৱৰ আজি দ্বিতীয় দি

না তীৰ্থস্থান খনত উপস্থিত হৈ মুখ্যমন্ত্ৰী সোণোৱালে এই মন্তব্য কৰে ৷ উল্লেখ্য যে আজি পুৱা প্ৰায় ১১ বজাত হেলিকপ্টাৰেৰে মূখ্যমন্ত্ৰী সৰ্বানন্দ সোণোৱালে শ্ৰীসূৰ্য পাহাৰত উপস্থিত হয় ৷ জিলা উপায়ুক্ত বৰ্ণালী ডেকা সমন্বিতে মহাপীঠস্থান পৰিচালনা সমিতিয়ে আদৰণি জনায় মুখ্যমন্ত্ৰী গৰাকীক ৷ মহাপীঠস্থান খনত উপস্থিত হৈয়ে তেওঁ প্ৰথমে বিষ্ণু পূজা কৰে ৷ ইয়াৰ পাছতে আৰম্ভ হোৱা বিষ্ণু যজ্ঞৰ শুভাৰম্ভ কৰি আহুতি দিয়ে মুখ্যমন্ত্ৰী গৰাকীয়ে ৷ মূখ্যমন্ত্ৰী গৰাকীয়ে  সাংবাদিকৰ আগত কিছু গুৰুত্বপূৰ্ণ মন্তব্য কৰি কয় যে, আজি মই নিজকে ধন্য মানিছো শ্ৰীসূৰ্য পাহাৰত উপস্থিত হৈ ৷ কিয়নো বিষ্ণু যজ্ঞত দেশৰ লগতে দহৰ মংগলৰ বাবে এই আহুতি দিছোঁ ৷  বিষ্ণুয়ে যাতে আমাক অধিক শক্তি,জ্ঞান,বুদ্ধি দিয়ে তাৰ বাবে মই মূৰ দোৱাইছোঁ ৷ তেওঁ লগতে কয়- মানৱীয় ধ্যান ধাৰনাৰে আমি সকলোৱে আগুৱাই যাব লাগিব  ৷  তাৰ বাবে আমি কঠোৰ পৰিশ্ৰম কৰিব লাগিব ৷ অসমক আমি এনেদৰেই সমগ্ৰ দেশৰ ভিতৰতে এখন শক্তিশালী ৰাজ্য হিচাপে প্ৰতিষ্ঠা কৰিবলৈ নিশ্চয় সক্ষম হ’ম ৷ মুখ্যমন্ত্ৰী গৰাকীয়ে পুনঃ কয় যে শ্ৰী সূৰ্যপাহাৰত আমি আগতে ৫০ লাখ টকা আৱন্টন দিছিলোঁ যদিও সেয়া নিশ্চয় পৰ্যাপ্ত নহয় ৷ সেয়ে আমি পূৰাতত্ব বিভাগৰ সৈতে কথা পাতি শ্ৰীসূৰ্য পাহাৰ খনৰ আৰু অধিক উন্নত কৰাৰ বাবে কেনে পদক্ষেপ ল’ব পাৰিম সেয়া পৰিকল্পনা কৰিম ৷ ইফালে আজি মূখ্যমন্ত্ৰী গৰাকীৰ লগত একেলগে বিষ্ণু যজ্ঞত আহুতি দিয়ে বিজেপিৰ ৰাজ্যিক সভাপতি ৰঞ্জিৎ দাসে ৷ ইয়াৰ  পাছতে মূখ্যমন্ত্ৰী গৰাকী ৰাওনা হয় শ্ৰীসূৰ্য পাহাৰৰ সমীপতে থকা মৰনৈস্থিত সৈনিক স্কুললৈ ৷ সৈনিক স্কুলত উপস্থিত হৈ মুখ্যমন্ত্ৰী গৰাকীয়ে স্কুল

খনত নৱনিৰ্মীত "ছুইমিং পুল” টো শুভ উদ্বোধন কৰে ৷ প্ৰণিধানযোগ্য যে, মাঘী পূৰ্ণিমা উপলক্ষে কালিৰে পৰা আৰম্ভ হোৱা শ্ৰীসূৰ্য পাহাৰ মহাপীঠ স্থানৰ বিষ্ণু যজ্ঞ সহ মেলা মহোৎসৱত বিগত বছৰৰ দৰে এইবেলিও লক্ষাধিক লোকৰ সমাগম ঘটা পৰিলক্ষিত হৈছে ৷ হিন্দু,বৌদ্ধ আৰু জৈন ধৰ্মৰ মিলন ভূমি গোৱালপাৰা জিলাৰ ঐতিহাসিক শ্ৰীশ্ৰী সূৰ্য পাহাৰ পীঠস্থানত বিশ্বশান্তিৰ বাবে প্ৰতিবছৰে পবিত্ৰ মাঘী পূৰ্নিমাত বিষ্ণুযজ্ঞ অনুষ্ঠিত হৈ আহিছে ৷ প্ৰায় ১৬০২৫ হেক্টৰ মাটিকালি আৱৰা উত্তৰ-পূৰ্বাঞ্চলৰ ইলোৰা তথা দ্বিতীয় কাশীধাম হিচাপে খ্যাত শ্ৰী সূৰ্যপাহাৰত ইতিমধ্যে পুৰাতত্ত্ব বিভাগে খনন কাৰ্য চলাই বহু ঐতিহাসিক সমল উদ্ধাৰ কৰিছে ৷ উল্লেখ্য যে, ৯৯৯৯৯ টা শিলত কটা শিৱলিঙ্গসহ ভাস্কৰ্ষ বিদ্যমান বুলি প্ৰবাদ থকা শ্ৰীসূৰ্য পাহাৰ মহাপীঠস্থানত বহু যুগ ধৰি মাঘী পূৰ্ণিমা তিথিত 

অনুষ্ঠিত হৈ আহিছে বিষ্ণুযজ্ঞ মহোৎসৱ ৷ বিগত বৰ্ষবোৰৰ দৰে এই বেলিও মাঘী পূৰ্নিমা মেলা- মহোৎসৱত দেশ-বিদেশৰ লাখ লাখ ভক্তৰ সমাগমেৰে উদুলিমুদুলি হৈ উঠিছে শ্ৰীসূৰ্য পাহাৰ মহাপীঠস্থান ৷

কৃষ্ণাইৰ পৰা কন্দৰ্প কুমাৰ দেৱ নাথ First News Report