দ্বিতীয় বাৰৰ বাবে জন প্ৰতিনিধি ৰূপে নিৰ্বাচিত হোৱাৰ পিছতে সমষ্টি উন্নয়নত বিশেষ গুৰুত্ব আৰোপ কৰিছে গোৱালপাৰা পূৱ বিধান সভা সমষ্টিৰ বিধায়ক এ, কে, ৰশিদ আলমে ৷ প্ৰতিদিনে সমষ্টিটোৰ প্ৰান্তে প্ৰান্তে ঘূৰি ৰাইজৰ সমস্যাৰ বুজ লৈছে বিধায়ক গৰাকীয়ে ৷ বিশেষকৈ সমষ্টিটোৰ বিভিন্ন অঞ্চলত আধৰুৱাকৈ পেলাই থোৱা কাম সমূহ পৰিদৰ্শন কৰি সেইবোৰ সম্পূৰ্ণ কৰাৰ ক্ষেত্ৰত বিধায়ক গৰাকী অধিক তৎপৰ হৈ পৰিছে ৷ এই উদ্দেশ্যৰে নৱনিযুক্ত জিলা উপায়ুক্ত মিনাক্ষী সাস নাথক লগত লৈ বিধায়ক ৰশিদ আলমে অসম মেঘালয় সীমান্তবৰ্তী নাবাং মেছেলখোৱা আদি অঞ্চলো পৰিভ্ৰমণ কৰিছে ৷ এই অঞ্চলটোত এখন অতি গুৰুত্বপূৰ্ণ দলং আজি কেবা বছৰে অৰ্দ্ধ নিৰ্মিতকৈ পেলাই থোৱা ঠিকাদাৰ জনক অতিশীঘ্ৰে দলং খনৰ কাম সম্পূৰ্ণ কৰিবলৈ আদেশ দিছে বিধায়ক ৰশিদ আলমে ৷ তেনেদৰে
বাট ,পথ ,দলং, মথাউৰি যি কোনো নিৰ্মাণত অৱহেলা কৰা বিষয়া ঠকাদাৰ সকলোকো সতৰ্ক কৰি দিছে বিধায়ক জনে ৷ বিধায়ক জনৰ এই তৎপৰতাত সমষ্টিবাসী ৰাইজেে সন্তোষ প্ৰকাশ কৰিছে ৷
কৃষ্ণাইৰ পৰা কন্দৰ্প কুমাৰ দেৱ নাথ,First news report
Comments
Post a Comment