দুঃসময়ৰ ভগ্নস্তূপত

**** দুঃসময়ৰ ভগ্নস্তূপত****

    ✍🏻মনোৰঞ্জন ডেকা 

কাজল চুলিতাৰীৰ ভাজত

জোনাকী মনৰ পোহৰ

সজল চকুৰ গভীৰ নীলাত

ওমলিছে জোন বেলি তৰা

কণ্ঠ নইৰ স্ফটিক বুকুত

সোণালী সূতাৰ সাঁকো

কঁহুৱা কোমল উমত গলিছে

পাষাণ শিলৰ হৃদয়

জৰাজীৰ্ণ শিলাময় মৰুত

গজালি মেলিছে সেউজীয়া

বিষয়ী কানন চ'ৰাত

জকমকাই ফুলিছে সপোন

কামনাৰ দুহাত মেলি চিঙিছে

লিহিৰী দেহৰ তৰাফুল

তৃষ্ণাতুৰ মনৰ কৰণিত ভৰিছে

অমিয়া প্ৰেমৰ পৃথিৱী

কৰ্ষণৰ গ্ৰাসত খহি পৰিছে

পপীয়া দুৰ্দিন

দুঃসময়ৰ ভগ্নস্তূপৰ মাজত

হৃদয়ে সাজিছে মণিকূট

থাপনাৰ চাকিৰ পোহৰত

চিৰ সুন্দৰৰ আৰাধনা।।