নলবাৰীত বিহু আৰু জনগোষ্ঠীয় নৃত্যৰ সাত দিনীয়া কৰ্মশালা
## নলবাৰীত বিহু আৰু জনগোষ্ঠীয় নৃত্যৰ সাত দিনীয়া কৰ্মশালা ## আমাৰ প্ৰণাম সেৱা, নলবাৰী , ৩০ মাৰ্চ ::: চাওতে চাওতে আকৌ আহিল অসমীয়াৰ হেপাহৰ বহাগ বিহু । বহাগ বিহুলৈ মাজত মাত্র কেইটা মান দিন বাকী । ৰাজ্যৰ বিভিন্ন প্ৰান্তৰ লগতে নলবাৰী জিলাতো বিহু নাচ , জনগোষ্ঠীয় নৃত্যৰ আৰু বিহু বাদ্যৰ কৰ্মশালাৰ ব্যাপক আয়োজন চলিছে । নলবাৰী আঞ্চলিক ছাত্র সন্থা আৰু নলবাৰী জিলাৰ অন্যতম সাংস্কৃতিক গোষ্ঠী "নৃত্যাংগনা " ৰ উদ্যোগত বিহু আৰু জনগোষ্ঠীয় নৃত্যৰ সাতদিনীয়া কৰ্মশালাৰ আয়োজন কৰা হৈছে । নলবাৰী শ্বহীদ ভৱন বাকৰিত অহা ১ এপ্ৰিলৰ পৰা ৭ এপ্ৰিললৈ অনুষ্ঠিত হবলগীয়া উক্ত কৰ্মশালাত মূখ্য প্ৰশিক্ষক হিচাপে উপস্থিত থাকিব লতাশিল বিহু কুৱৰী ২০১০ তথা ডি ৱাই বিহুৰাণী ২০১১ৰ জোন দলে আৰু কেইবাগৰাকী অভিজ্ঞ প্ৰশিক্ষক । প্ৰতিদিনে আবেলি ৩ - ৩০ বজাৰ পৰা অনুষ্ঠিত হবলগা উক্ত কৰ্মশালাৰ ইচ্ছুক প্ৰশিক্ষাৰ্থী সকলে ২০০ টকা ভৰ্তি মাচুল সহ নিজৰ নিজৰ নাম সমূহ আগতীয়াকৈ পঞ্জীয়ন কৰিব লাগিব । উল্লেখ্য যে সাতদিনীয়া বিহু আৰু জনগোষ্ঠীয় নৃত্যৰ কৰ্মশালাৰ সামৰণি অনুষ্ঠানত প্ৰশিক্ষাৰ্থীসকলক প্ৰমাণ পত্র প্ৰদান কৰা হব বুলি " নৃত্যাংগনা " ৰ সম্পাদিকা শৰিষ্ঠা নিকি বৈশ্যই জানিব দিয়ে । ইচ্ছুক বিহু আৰু জনগোষ্ঠীয় নৃত্যৰ কৰ্মশালাৰ প্ৰশিক্ষাৰ্থী সকলক সবিশেষ তথ্যৰ বাবে ৮৬৩৮৭৯৪৭৪৬ আৰু ৬০২৬৭৩৩৮২৮ নম্বৰত যোগাযোগ কৰিবলৈ নলবাৰী আঞ্চলিক ছাত্র সন্থাৰ সভাপতি ৰুবুল বৰ্মন , সাধাৰণ সম্পাদক নৱ কুমাৰ ডেকা আৰু "নৃত্যাংগনা " ৰ সভানেত্রী মণিকংকনা মেধি আৰু সাধাৰণ সম্পাদিকা শৰিষ্ঠা নিকি বৈশ্য আহ্বান জনাইছে ।।
Comments
Post a Comment