নিজম পৰিল নাহৰকটীয়াৰ ককা বাগ্মীবৰ নীলমণি ফুকন সমন্বয় ক্ষেত্ৰ
নিজান পৰিল শ্ৰীমন্ত শংকৰদেৱ সংঘৰ ৯১ সংখ্যাক বাৰ্ষিক অধিৱেশন স্থলি । আজি বিদায়ী বেলিকাত উদযাপন সমিতিৰ কৰ্মী সকল আৱেগিক হোৱাৰ লগতে অশ্ৰু সিক্ত নয়নে বিদায় জনালে ভকত বৈষ্ণৱ সকলক
হৰি নামেৰে মুখৰিত হল ককা বাগ্মীবৰ নীলমণি ফুকন সমন্বয় ক্ষেত্ৰ । নাহৰকটীয়া ৰাঙলী-কলীয়াপানী পথাৰৰ ককা বাগ্মীবৰ নীলমণি ফুকন সমন্বয় ক্ষেত্ৰত তিনিদিনীয়াকৈ অনুষ্ঠিত হোৱা সংঘৰ অধিবেশন ভাগি দেওবাৰে সফল সমাপ্তি ঘটে। ভকত বৈষ্ণৱ সকলৰ বিদায়ী পৰ্বত আবেগিক হৈ পৰে ডিব্ৰুগড় জিলাৰ আই মাতৃ সকল। আই মাতৃ সকলে হৰি নাম গাই বিদায় দিলে ভকত বৈষ্ণৱ সকলক। বিদায় পৰ্বত ইজনে সিজনক সাৱতি চকুপানী টুকা দৃশ্যই এক আৱেগিক পৰিৱেশ সৃষ্টি কৰিলে অধিৱেশন স্থলি। ইফালে ধেমাজি জিলাৰ আতিথ্যত জোনাই বাসী ৰাইজৰ সহযোগত ২৩ চনত জোনাইত অনুষ্ঠিত হব শ্ৰীমন্ত শংকৰদেৱ সংঘৰ ৯২ সংখ্যাক অধিৱেশন খনি । যাৰ বাবে জোনাই শাখাই ১০০ খন গাড়ীৰে সংঘৰ ধৰ্মধ্বজা ভাগি আদৰি লৈ যায় নিজৰ জিলালৈ। মুঠৰ ওপৰত যোৱা তিনি দিন ধৰি হৰি নামেৰে মুখৰিত হৈ দ্বিতীয় বৈকুণ্ঠ পুৰীলৈ পৰিণত হল ককা বাগ্মীবৰ নীলমণি ফুকন সমন্বয় ক্ষেত্ৰ।
Comments
Post a Comment