সম্প্ৰীতিৰ এক উজ্জ্বল নিদৰ্শন ।হিন্দু মুছলমান উভয় সম্প্ৰদায়ে উৎযাপন কৰিলে গুৰুজনাৰ জন্ম জয়ন্তী

জগতগুৰু শ্ৰীমন্ত শংকৰদেৱৰ *৫৭৩* সংখ্যক জন্ম জয়ন্তী ৷হৰিনামৰ ধ্বনিৰে মূখৰিত হৈ পৰিছে ৰাজ্যৰ সত্ৰ আৰু নামঘৰ সমূহ। মৰিগাঁও জিলাৰ মৈৰাবাৰীৰ পাটেকীবড়ী সত্ৰতো একেই পৰিবেশ । নাম আৰু খোল প্ৰসংগৰে মুখৰিত পাটেকীবড়ী সত্ৰ ।গুৰুজনাৰ বহু ষ্মৃতি বিজড়িত  এই ঐতিহ্যমণ্ডিত সত্র খনত দেখিবলৈ পোৱা গ'ল এক বিশেষ দৃশ্য । _মহাপুৰুষ জনাৰ জন্ম জয়ন্তী উৎযাপন কৰিলে হিন্দু মুছলমান উভয় সম্প্ৰদায়ৰ লোকে ।উল্লেখ্য যে  পাটেকীবড়ী সত্ৰ খনৰ চাৰি দিশে নাই কোনো এজন হিন্দু ধৰ্মৰ লোক অথবা কোনো পৰিয়াল।কিন্তু সত্ৰ খন আজি ও কোনো আঁচুৰ নপৰা কৈ আছে ।সত্ৰ খন চোৱা-চিতা কৰাৰ লগতে ধৰ্মীয় অনুষ্ঠান সমূহত মুছলমান সম্প্রদায়ৰ লোকসকলে অংশগ্রহণ কৰি আহিছে ।আনকি বহু বছৰ পূর্বে তিনি জন মুছলমান লোকে সত্ৰ খনৰ উন্নয়নৰ বাবে *১২* বিঘা ভুমিও দাণ কৰিছে । মৈৰাবাৰীৰ পাটেকীবড়ী সত্ৰৰ এই পৰিবেশে অসমবাসীলৈ নিশ্চিত ভাবে এক শুভবৰ্তা কঢ়িয়াই আনিছে।

মৈৰাবাৰীৰ পৰা নছিদুৰ ৰহমান।