১ নং গেদাৰবড়িত গুৰুজনাৰ জন্মোৎসৱত "ৰুক্মনী হৰণ" অংকীয়া নাট পৰিৱেশন

 দেৱব্ৰত বৰা,জাজৰি  : সমগ্ৰ  ৰাজ্যত জগত গুৰু শ্ৰীমন্ত শংকৰদেৱৰ ৫৭৩ তম অাৱিৰ্ভাৱ মহোৎসৱ চলি থকা সমান্তৰালকৈ পূৱ হাতীচোং অাঞ্চলিক ৰাইজৰ সৌজন্যত ১ নং গেদাৰবড়ীৰ শঙ্কৰদেৱ কৃষ্টী বিকাশ কেন্দ্ৰতো তিনিদিনীয়া কাৰ্য্যসুচীৰে অনুষ্ঠানভাগ অায়োজিত হৈছে। কাৰ্য্যসুচী অনুসৰি শুক্ৰবাৰে পুৱা ভাগত ধৰ্মীয় কাৰ্য্যসুচীৰ অন্তত সন্ধ্যা ৬ বজাত অঞ্চলৰ বাচকবনীয়া যুৱক যুৱতীৰ দ্বাৰা ৰাতুল শইকীয়াৰ পৰিচালনাৰে অনুষ্ঠিত হয় অসমীয়া ভাঁওনা "কুৰুক্ষেত্ৰ"। শনিবাৰে দুপৰীয়া অনুষ্ঠিত হোৱা ধৰ্মালোচনী সভাৰ অন্তত সন্ধ্যা জিতু ডেকাৰ পৰিচালনাৰে অনুষ্ঠিত হয় গুৰুজনাৰ অমৰ সৃষ্টী অংকীয়া নাট "ৰুক্মীনী হৰণ"। এই নাটত অঞ্চলৰ যুৱক যুৱতীয়ে অংশগ্ৰহন কৰি ৰাইজৰ মন মুহিবলৈ সক্ষম হয়।