বঙাইগাঁও জিলাত হ্ৰাস পাইছে ক'ৰোনাৰ সংক্ৰমণ
বঙাইগাঁওঃ ৩০ আগষ্টঃ বঙাইগাঁও জিলাত হ্ৰাস পাইছে ক'ৰোনাৰ সংক্ৰমণ ৷ বঙাইগাঁও জিলাবাসীৰ বাবে ভাল খবৰ যে সোমবাৰে জিলাখনত নতুনকৈ ধৰা পৰা নাই এজনো ক'ভিডত আক্ৰান্ত ব্যক্তি ৷ ইয়াৰ বিপৰীতে সুস্থ হৈ উঠিছে ৫ জনকৈ ৰোগী ৷ বৰ্তমান জিলাখনত ক'ভিডত আক্ৰান্ত সক্ৰিয় ৰোগী আছে ১১ জন ৷ ইয়াৰ ভিতৰত ৪ জন বঙাইগাঁও অসামৰিক চিকিৎসালয়ত, ৪ জন ল'ৱাৰ আসাম হাস্পতালত আৰু ৩ জন হোম কোৱাৰেণ্টাইনত আছে ৷ জিলাখনত সোমবাৰে মুঠ ৩,৫৬৮ জন ব্যক্তিক ক'ভিড টেষ্ট কৰা হয় ৷ ইপিনে জিলাখনত ১ মাৰ্চৰ পৰা ৩০ আগষ্টলৈকে মুঠ ক'ভিডত আক্ৰান্ত ৰোগীৰ সংখ্যা হ'ল ৫,০৩৪ জন ৷ আনহাতে জিলাখনত সোমবাৰৰ দিনটোত ক'ভিড প'জিটিভিটিৰ হাৰ আছিল ০.০০ শতাংশ ৷ সেয়ে সকলোৱে ক'ভিড বিধি মানি চলি সাৱধানতা অৱলম্বন কৰিলে নিশ্চয় অতি সোনকালে ক'ভিড মুক্ত হ'ব বঙাইগাঁও জিলা ৷
Comments
Post a Comment