চতিয়া সমষ্টিত কৰ'না আক্ৰান্তৰ সংখ্যা ১১ জনলৈ বৃদ্ধি

ফাৰ্ষ্ট নিউজ, জামুগুৰিহাট,২৫ জুন:- দিন বাগৰাৰ লগে লগে চতিয়া সমষ্টিটো কৰ'না আক্ৰান্ত লোকৰ সংখ্যা বৃদ্ধি পাবলৈ ধৰিছে ।কালি সমষ্টিটোৰ অন্তৰ্গত জামুগুৰিহাটৰ ন-বিলৰ বিতু দাস (২৪),ৰুণু দাস (২২)টৌভঙাৰ বকুল যোগী (২০) আৰু ৩নং বগীজুলিৰ বুলেন দাস (২০)ৰ দেহত কভি'ড-১৯ ৰ উপস্থিতি ধৰা পৰাৰ পিছত চতিয়া সমষ্টিত কৰ'না আক্ৰান্তৰ সংখ্যা ১১ জনলৈ বৃদ্ধি পালে ।আৱশ্যে কালি নতুনকৈ আক্ৰান্ত হোৱা চাৰিও জনেই বহি:ৰাজ্যৰ পৰা উভতি আহি তেজপুৰ আৰু সোণাবিলৰ কোৱাৰেন্টীন শিবিৰৰ ভৰ্তি হৈ আছিল আৰু তাতে তেওঁলোকৰ দেহৰ স্বাব পৰীক্ষা কৰা হৈছিল ।মনকৰিবলগীয়া যে  ইটাখোলাৰ নিকটবৰ্তী বালিজুৰিৰ ফাক্রিবাৰীৰ টোকাও গয়াৰী নামৰ ব্যক্তিজন সমষ্টিটোৰ প্ৰথম জন কৰ'না আক্ৰান্ত ব্যক্তি হিচাপে যোৱা ১৬ মে'ৰ নিশা চিনাক্ত হোৱাৰ পাছত বৰ্তমানলৈকে চতিয়া সমষ্টিত কৰ'না আক্ৰান্ত সংখ্যা ১১ জনলৈ বৃদ্ধি পালে ।

জোন বৰা

জামুগুৰিহাট ।