পদ্মশ্ৰী ড° শীলা বৰঠাকুৰৰ মৃত্যুত শোক প্ৰকাশ সৰুপেটা লেখিকা সমাৰোহৰ

সঞ্জীৱ দাস, ভৱানীপুৰ,

 সদৌ অসম লেখিকা সমাৰোহ সমিতিৰ প্ৰতিষ্ঠাপক সভানেত্ৰী, পদ্মশ্ৰী ড° শীলা বৰঠাকুৰৰ মৃত্যুত গভীৰ শোক প্ৰকাশ কৰিছে সৰুপেটা শাখা লেখিকা সমাৰোহ সমিতিয়ে। কালি সৰুপেটা বিদ্যা মন্দিৰ হাইস্কুল প্ৰাংগণত সৰুপেটা শাখা লেখিকা সমাৰোহ সমিতিয়ে অনুষ্ঠিত কৰা এখন স্মৃতিচাৰণ সভাত ড° বৰঠাকুৰৰ মৃত্যুত গভীৰ শোক প্ৰকাশ কৰে। সৰুপেটা শাখা লেখিকা সমাৰোহ সমিতিৰ সভানেত্ৰী ৰীণাৰাণী ডেকাৰ পৌৰহিত্যত অনুষ্ঠিত সভাত ড° শীলা বৰঠাকুৰৰ জীৱনী, প্ৰতিভা আৰু বৃহত্তৰ সমাজখনলৈ আগবঢ়াই যোৱা অৱদানৰ ওপৰত আলোকপাত তথা বক্তৃতা প্ৰদান কৰে ক্ৰমেঃ বিশিষ্টা লেখিকা তথা প্ৰাক্তন অধ্যাপিকা ড° অমিয়া মহন্ত, সমাজসেৱী হিৰণ দাস, ফুনু মেধি, নমিতা দাস আদিয়ে। ড° শীলা বৰঠাকুৰৰ স্মৃতিৰক্ষা কৰাৰ ক্ষেত্ৰত চৰকাৰী পদক্ষেপ গ্ৰহণৰো পোষকতা কৰে সৰুপেটা শাখা লেখিকা সমাৰোহ সমিতিয়ে।