নগাঁৱত বন বিভাগৰ দ্বাৰা অবৈধ কাঠ ফলা মিল জব্দ

নগাঁৱৰ পৰা জয়ন্ত মুদৈ, ৭ নৱেম্বৰঃ নগাঁও বন সংমণ্ডল বিষয়া ৰাজেন চৌধুৰীৰ নিৰ্দেশ মৰ্মে নগাঁও বন সুৰক্ষা শাখাৰ বনাঞ্চলিক বিষয়া চেমিম আখতাৰৰ নেতৃত্বত যোৱা বন বিভাগৰ এটা দলে জিলাখনৰ ৰূপহীহাট আৰু বঢ়মপুৰ অঞ্চলৰ পৰা অভিযান চলাই দুটাকৈ অবৈধ কাঠ ফলা মিলৰ লগতে অন্যান্য সামগ্ৰী সমূহ জব্দ কৰিবলৈ সক্ষম হয় ৷ আচলতে দীৰ্ঘদিন ধৰি অবৈধভাবে এই চোৰাং ব্যৱসায় চলাই আহিছিল এজন স্থানীয় ব্যৱসায়ীয়ে । শনিবাৰে এক গোপন সুত্ৰৰ পম খেদি নগাঁও বন সুৰক্ষা শাখাৰ বনাঞ্চলিক বিষয়া চেমিম আখতাৰৰ উপৰি বনপালক ৰঞ্জন কুমাৰ বৰা, গুপ্তা বৰা, বনকৰ্মী গোলাপী দেৱী, মোক্তাৰ হুছেইন, দেৱানন্দ বৰা উপস্থিত হৈ অতৰ্কিতে উক্ত অঞ্চলত অভিযান চলাই এইদৰে অবৈধ কাঠফলা মিল জব্দ কৰিবলৈ সক্ষম হয় ৷