গোৱালপাৰাৰ অসম-মেঘালয় সীমান্তবৰ্তী অঞ্চলত সীমাহীন সমস্যাঃকাণসাৰ নাই চৰকাৰ কিম্বা জন প্ৰতিনিধিৰ
গাৱঁসমূহৰ পৰা ওলোৱা-সোমোৱা কৰা একমাত্ৰ পথটো গোটেই বছৰে পানীৰে পৰিপূৰ্ণ হৈ থাকে ৷ বাৰিষা একাঠু পানী জমা হোৱা পথটোৰ অৱস্থা খৰালি কালতো হৈ থাকে তথৈবচ ৷ তেনে পংকিলময় পৰিবেশৰ মাজৰেই দিন অতিবাহিত কৰিছে অঞ্চলটোৰ ৰাইজে ৷ অঞ্চলটোত বিশুদ্ধ খোৱাপানীৰো সমস্যা আজিলৈ সমাধা নহ’ল ৷ বহু জনতাই আজিও পিয়াহ দূৰ কৰে ঝৰ্ণাৰ পানীৰে ৷ অতি ভিতৰুৱা অঞ্চলটোত প্ৰয়োজনীয় শিক্ষানুষ্ঠানৰো অভাৱ ৷ জিনাৰি নৈৰ সিটো পাৰত এখন বিদ্যালয় আছে যদিও নৈ পাৰ হ’বলৈ নাই দলং ৷ যাৰ পৰিপ্ৰেক্ষিতত কণ কণ শিশু সকলে ভৰা নৈ পাৰ হ’ব লাগে ভূৰ অথবা টুলুঙা নাৱেৰে ৷ বাহিৰৰ পৃথিৱীৰ কূট কৌশল বুজি নোপোৱা এই অঞ্চলৰ বাসিন্দা সকলৰ বাবে উন্নয়ন অথবা পৰিবৰ্তন আজিও নুবুজা সাঁথৰ ৷ প্ৰতিটো নিৰ্বাচনৰ সময়ত সকলো ৰাজনৈতিক দলে উন্নয়নৰ প্ৰতিশ্ৰুতি দিয়ে যদিও আজিলৈকে গাওঁ খনলৈ যোৱা পথটোয়ে নিৰ্মাণ নহ’ল ৷ অন্যান্য সমস্যা সমাধানৰ সপোনতো সুদূৰপৰাহত ৷ আকৌ আহিছে নিৰ্বাচন ৷ আকৌ আহিব নেতা পালিনেতা ৷ পিছে,উন্নয়ন হ’বনে গোৱালপাৰাৰ অসম-মেঘালয় সীমান্তৱৰ্তী এই অঞ্চল সমূহৰ ৷ আগন্তুক নিৰ্বাচনৰ প্ৰাকমুহূৰ্তত কুকুৰকাটাৰ বৃহত্তৰ অঞ্চলটোৰ ৰাইজৰ এয়াই হৈছে লাখটকীয়া প্ৰশ্ন ৷
কৃষ্ণাইৰ পৰা কন্দৰ্প কুমাৰ দেৱ নাথ, first news report
Comments
Post a Comment