নগাঁৱত অৱসৰৰ দিনাই পেঞ্চন পেপাৰ লাভ কৰিলে শিক্ষকে≈≈নগাঁও সংমণ্ডলৰ বিদ্যালয়সমূহৰ পৰিদৰ্শকৰ কাৰ্যালয়ত অৱসৰী শিক্ষকক সম্বৰ্ধণা

নগাঁৱৰ পৰা জয়ন্ত মুদৈ, ৩১ ডিচেম্বৰঃ নগাঁৱত অৱসৰৰ দিনাই পেঞ্চন ভাট্টা আৰু পেঞ্চন পেপাৰ লাভ কৰিলে এগৰাকী শিক্ষকে । নগাঁও সংমণ্ডলৰ বিদ্যালয়সমূহৰ পৰিদৰ্শক মৃদুল কুমাৰ নাথৰ তৎপৰতাত অৱসৰৰ দিনটোতেই পেঞ্চনৰ সকলো নথি-পত্ৰ লাভ কৰিবলৈ সক্ষম হোৱা এই শিক্ষক গৰাকী হৈছে নগাঁৱৰ মাৰোৱাৰী হিন্দী হাইস্কুলৰ সহকাৰী শিক্ষক সুৰেন্দ্ৰ মিশ্ৰ । চাকৰি জীৱনৰ অন্তিম দিন ৩১ ডিচেম্বৰৰ দিনটোতেই নগাঁও সংমণ্ডলৰ বিদ্যালয়সমূহৰ পৰিদৰ্শকৰ কাৰ্যালয়ৰ তৎকালীন পদক্ষেপত এই নথি-পত্ৰ লাভ কৰিবলৈ সক্ষম হয় শিক্ষক গৰাকী । এই উপলক্ষে নগাঁও আই এছ অফিচত অনুষ্ঠিত হোৱা এক সীমিত পৰিসৰৰ সভাত অৱসৰী শিক্ষক গৰাকীক সম্বৰ্ধণাও জ্ঞাপন কৰা হয় ।