বিষ্ণুৰাম নুনিছাক সম্বৰ্ধনা জনালে অসম ইলেক্ট্ৰনিক মিডিয়া স্পৰ্টছ জাৰ্ণেলিষ্ট এছোছিয়েছনে

গুৱাহাটী, ২৩ ডিচেম্বৰ: ভাৰতীয় ছেপাক টাকৰো ফেডাৰেছনৰ উপ সভাপতি পদত বিনাপ্ৰতিদ্বন্ডিতাৰে নিৰ্বাচিত হোৱা অসমৰ বিশিষ্ট ক্ৰীড়া সংগঠক বিষ্ণুৰাম নুনিছাক মঙলবাৰে গুৱাহাটীত অসম ইলেক্ট্ৰনিক মিডিয়া স্পৰ্টছ জাৰ্ণেলিষ্ট এছোছিয়েছনে সম্বৰ্ধনা জ্ঞাপন কৰে। মঙলবাৰে সন্ধিয়া মহানগৰীত অনুষ্ঠিত সম্বৰ্ধনা সভাত বিশিষ্ট সাংবাদিক তথা অসম ইলেক্ট্ৰনিক মিডিয়া স্পৰ্টছ জাৰ্ণেলিষ্ট এছোছিয়েছনৰ উপদেষ্টা প্ৰনয় বৰদলৈ, সভাপতি জয়ন্ত দাস, সাধাৰণ সম্পাদক বিপুল বৰ্মন, উপ সভাপতি কিশোৰ তালুকদাৰ, জ্যোষ্ঠ সাংবাদিক পুলিন সাহা আৰু উদয় বৰগোঁহাই উপৰি  সন্থাৰ বহু কেইগৰাকী সদস্য উপস্থিত আছিল। সম্বৰ্ধনা গ্ৰহন কৰি দিয়া ভাষনত বিষ্ণুৰাম নুনিছাই কয় যে গুৱাহাটীত শীঘ্ৰে ছেপাক টাকৰোৰ আন এখন ৰাষ্ট্ৰীয় প্ৰতিযোগিতা অনুষ্ঠিত হোৱাৰ লগতে অসমত হব দেশৰ আগশাৰীৰ ছেপাক টাকৰোৰ একাডেমী। মঙলবাৰৰ অনুষ্ঠানতে ৰাজ্যৰ বহু কেইগৰাকী ডিজিটেল মিডিয়াৰ সাংবাদিকে অসম ইলেক্ট্ৰনিক মিডিয়াৰ কাম কাজক প্ৰশংসা কৰে আৰু ইলেক্ট্ৰনিক মিডিয়া স্পৰ্টছ জাৰ্ণেলিষ্ট এছোছিয়েছনৰ সৈতে চামিল হবলৈ ইচ্চা প্ৰকাশ কৰে।