ক্লাৱ নক্ষত্ৰ'ৰ দ্বাৰা কাব্য সংকলন প্ৰকাশৰ প্ৰস্তুতি

সঞ্জীৱ দাস, বজালী, ২৩ ডিচেম্বৰঃ ভৱানীপুৰৰ এক অগ্ৰনী অনুষ্ঠান 'ক্লাৱ নক্ষত্ৰ'ৰ দ্বাৰা এখন কাব্য সংকলন প্ৰকাশৰ প্ৰস্তুতি চলাইছে। আগন্তুক বৰ্ষৰ ২৫ ৰ পৰা ৩১ জানুৱাৰীলৈ ভৱানীপুৰত অনুষ্ঠিত হ'বলগীয়া পহুমাৰা মহোৎসৱ বাকৰিত উন্মোচন কৰাৰ মানসেৰে 'ক্লাৱ নক্ষত্ৰ'ৰ দ্বাৰা অসমৰ অৰ্ধশতাধিক কবিৰ কবিতাৰে 'নক্ষত্ৰ' নামেৰে কবিতা সংকলন এখন প্ৰকাশৰ প্ৰস্তুতি চলাইছে। 'ক্লাৱ নক্ষত্ৰ'ৰ সভাপতি ধ্ৰুৱজ্যোতি ডেকা আৰু সম্পাদক প্ৰিণ্স তালুকদাৰে জনোৱা মতে, কবিতা সংকলনখন সম্পাদনা কৰিব ভৱানীপুৰৰ লেখক, সংবাদদাতা সঞ্জীৱ সাগৰ দাসে। লগতে ইচ্ছুক কবিয়ে আগন্তুক বৰ্ষৰ ১ জানুৱাৰীৰ ভিতৰত কবিতাসমূহ পেজমেকাৰত ডিটিপি কৰি নাইবা অসমীয়া ইউনিক'ডত টাইপ কৰি sanjibsagar0@gmail.com নাইবা ৮৭২১৯৫৭৫১৭ হোৱাটছ্এপ যোগে প্ৰেৰণ কৰিব পাৰিব বুলি জনাইছে 'ক্লাৱ নক্ষত্ৰ'ৰ সভাপতি ধ্ৰুৱজ্যোতি ডেকা আৰু সম্পাদক প্ৰিণ্স তালুকদাৰে।