পাটাছাৰকুছিৰ সৰবৰহী ৰজনী গোস্বামীৰ বিয়োগ
পাটাছাৰকুছিৰ সৰবৰহী ৰজনী গোস্বামীৰ বিয়োগ
সঞ্জীৱ দাস, ভৱানীপুৰ, ২১ এপ্ৰিলঃ বৰপেটা জিলাৰ পাটাছাৰকুছিৰ সৰবৰহী ব্যক্তি ৰজনী গোস্বামী(৮১)ৰ যোৱা ১৮ এপ্ৰিল তাৰিখে সন্ধিয়া ৭.১৩ বজাত নিজা বাসভৱনত পৰলোকপ্ৰাপ্তি ঘটে। উল্লেখ্য যে, প্ৰয়াত গোস্বামী আবকাৰী বিভাগৰ কৰ্মসূত্ৰে সূদীৰ্ঘ দিন ধৰি দুলিয়াজানত কাৰ্যনিৰ্বাহ কৰিছিল। দীৰ্ঘদিন ধৰি জটিল ৰোগত আক্ৰান্ত হৈ থকা ৰজনী গোস্বামী সৰুৰে পৰা বৃহত্তৰ পাটাছাৰকুছি অঞ্চলৰ এজন সুবিখ্যাত ফুটবল খেলুৱৈ হিচাপেও পৰিচিত আছিল। দীৰ্ঘদিন ধৰি বিভিন্ন অনুষ্ঠান প্ৰতিষ্ঠানৰ লগত জড়িত প্ৰয়াত ৰজনী গোস্বামীয়ে মৃত্যুৰ সময়ত পত্নী, তিনিগৰাকী পুত্ৰ-বোৱাৰী, জী-জোঁৱাই , নাতি নাতিনী ইহসংসাৰত এৰি থৈ যায়। গোস্বামীৰ মৃত্যুত পাটাছাৰকুছিৰ বিভিন্ন অনুষ্ঠান-প্ৰতিষ্ঠানে গভীৰ শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে।
Comments
Post a Comment