নলবাৰীৰ অসম একাডেমীৰ তৰফৰ পৰা অসম আৰোগ্য নিধিলৈ আগবঢ়ালে ২০হেজাৰ টকাৰ সাহায্য
*নলবাৰীৰ অসম একাডেমীৰ তৰফৰ পৰা অসম আৰোগ্য নিধিলৈ আগবঢ়ালে ২০হেজাৰ টকাৰ সাহায্য
*
*ৰূপক বৈশ্য, ফাৰ্ষ্ট নিউজ ৰিপোৰ্ট, নলবাৰী, ২২ এপ্ৰিল*
সমগ্ৰ বিশ্বতে এতিয়া কৰ'ণাৰ আতংক । কৰ'ণাৰ বিৰুদ্ধে চলা যুজৰ বাবে আৱশ্যক হৈছে অতিৰিক্ত বহু পৰিমাণৰ ধন । সেয়ে সাধ্যানুসাৰে বিভিন্ন অনুষ্ঠান-প্ৰতিষ্ঠান আৰু ব্যক্তি বিশেষে কেন্দ্ৰীয় চৰকাৰ আৰু অসম চৰকাৰলৈ আগবঢ়াইছে সাহায্য । মঙ্গলবাৰে নলবাৰীৰ আগশাৰীৰ শৈক্ষিক প্ৰতিষ্ঠান অসম একাডেমী, নলবাৰীৰ তৰফৰ পৰা মাৰাত্মক মহামাৰী কৰ'ণাৰ বিৰুদ্ধে চলা যুজৰ বাবে অসম আৰোগ্য নিধিলৈ ২০ হেজাৰ টকাৰ সাহায্য আগবঢ়াইছে । সাহায্যৰ ধন ৰাশি অসম আৰোগ্য নিধিলৈ চেকযোগে অৰ্পণ কৰে নলবাৰীৰ বিধায়ক অশোক শৰ্মাৰ হাতত । উক্ত মুহূৰ্তত উপস্থিত থাকে শৈক্ষিক প্ৰতিষ্ঠানটোৰ সভাপতি অনুকূল শৰ্মা, সম্পাদক অৰূপ কুমাৰ শৰ্মা আৰু পৰিচালনা সমিতিৰ অন্যতম সদস্য তপন কুমাৰ শৰ্মা আদি বিশিষ্ট ব্যক্তিসকল ।
*প্ৰেৰকঃ ৰূপক বৈশ্য, নলবাৰী*
Comments
Post a Comment