ডিগবৈ আইঅচি (এঅডি) আৱাসিক এলেকা শ্বিলং ৰোড এৰিয়াত বনৰীয়া হাতীৰ আক্ৰমনত এগৰাকী ৭৫ বয়সৰ বৃদ্ধাৰ অকাল মৃত্যু
নিহত বৃদ্ধাগৰাকী শ্বিলং ৰোড এৰিয়াৰ ৮৮ নং বাংলোত থকা আই অ চিৰ (এ অ ডি) বিষয়া প্ৰবীন কুমাৰৰ মাতৃ গিৰিজা মনি মোদ্দামশ্ৰেঠী বুলি জানিব পৰা গৈছে৷
খাদ্যৰ সন্ধানত বিচৰণ কৰা এটা বনহস্তীৰ জাকৰ হাতীয়ে ৮৮ নং বাংলোটোৰ বাৰাণ্ডাৰ পৰা ৭৫ বয়সীয়া বৃদ্ধা গিৰিজা মনিক চোচঁৰাই নি আক্ৰমণ কৰে ৷
বৃদ্ধাগৰাকীক হাতীৰ জাকটোয়ে গচকি-ফেনেকি, শৰীৰটোৰ অংগ চিহ্ন বিচিন্ন কৰি পেলায় ৷
বাংলোটোত থকা এখন বিলাসী গাড়ীও ক্ষতি সাধন কৰে হাতীৰ জাকটোয়ে৷
অতি পৰিতাপৰ বিষয় যে, ডিগবৈতে জিলাখনৰ বৃহৎ বন সংমণ্ডলৰ কাৰ্যালয় আৰু বনৰক্ষী বাহিনীৰ চাউনি থকাত খবৰ দিয়াৰ পিছতো সময় মতে ঘটনাস্থলীত উপস্থিত নোহোৱাত স্থানীয় আৰক্ষীয়ে বৃদ্ধাৰ মৃতদেহটো উদ্ধাৰ কৰে ৷
যোৱা দুদিন মানৰ পূৰ্বেও ডিগবৈস্থিত অইল ইণ্ডিয়া লিমিটেডৰ পুৱ তৈলক্ষেত্ৰত হাতীৰ আক্ৰমনত মাধুৰ্য গগৈ নামৰ এজন অইলৰ কৰ্মচাৰীয়ে কৰুণ মৃত্যুক সাৱতি হৈছিল ৷
ডিগবৈৰ পৰা অৰূপ কলিতাৰ প্ৰতিবেদন, ফাষ্ট নিউজ ৰিপৰ্ট।
Comments
Post a Comment