কপিলীৰ ২২ বিদ্যালয়ত একেদিনাই বিজ্ঞান-গণিতৰ প্ৰাচীৰ পত্ৰিকা উন্মোচন
এই কাৰ্যসূচীয়ে সামৰি লোৱা কপিলী খণ্ডৰ বিদ্যালয়সমূহ হৈছে জৰাবাৰী ছহিদ হেমৰাম পাটৰ মাধ্যমিক বিদ্যালয়, ৰজাপুখুৰী বিষ্ণুজ্যোতি মধ্য ইংৰাজী বিদ্যালয়, নিজ মিকিৰগাঁও চৰকাৰী উচ্চ বুনিয়াদী বিদ্যালয়,বাৰপুজীয়া গাৰ্লচ হাইস্কুল,অলকাপুৰ এচ.এচ.কে হাইস্কুল,চৰাইবাহী মজলীয়া বিদ্যালয়, চৰাইবাহী উচ্চতৰ মাধ্যমিক বিদ্যালয়, পটুৱাকাটা মজলীয়া বিদ্যালয়,দন্দুৱা মজলীয়া বিদ্যালয়,ইছলামপুৰ এম.ই মাদ্ৰাছা,জালুগুটি গালৰ্ছ একাডেমি মধ্য ইংৰাজী বিদ্যালয়, জালুগুটি হাইস্কুল,খন্দাপুখুৰী এম.ই এম, মাছখোৱা কাঁহিবাৰী এম.ই,বনপাৰা গাৰ্লছ এম.ই, দন্দুৱা হাইমাদ্ৰাছা, দন্দুৱা হাইস্কুল,চৰাইবাৰী গাৰ্লছ উচ্চতৰ মাধ্যমিক বিদ্যালয়, ছহিদ তিলক ডেকা হাইস্কুল, বেজবৰুৱা আদৰ্শ হাইস্কুল, ভোমোৰাগুৰি হাইস্কুল আৰু পটুৱাকাটা হাইস্কুল। কপিলী শিক্ষাখণ্ডৰ অধীনৰ জালুগুটি গাৰ্লছ একাডেমি এম.ই বিদ্যালয়ত বিজ্ঞান আৰু গণিতৰ প্ৰাচীৰ পত্ৰিকা উন্মোচনেৰে কাৰ্যসূচীৰ শুভাৰম্ভ কৰে কপিলী খণ্ড প্ৰাথমিক শিক্ষা বিষয়া সমৰ বৰুৱাই। ইয়াৰ পাছতে দন্দুৱা মজলীয়া বিদ্যালয়ত বিজ্ঞান আৰু গণিতৰ প্ৰাচীৰ পত্ৰিকা উন্মোচন কৰে সমগ্ৰ শিক্ষা অভিযানৰ মৰিগাঁও জিলাৰ আচনি বিষয়াদ্বয় ক্ৰমে লক্ষ্মীনন্দন শইকীয়া আৰু ৰাজেন গোস্বামীয়ে। লগতে কপিলী খণ্ডৰ অন্য ২০ খন বিদ্যালয়ত বিজ্ঞান-গণিতৰ প্ৰাচীৰ পত্ৰিকাসমূহ উন্মোচন কৰে সংশ্লিষ্ট বিদ্যালয়ৰ স্থানীয় বিশিষ্ট ব্যক্তিসকলে। ইপিনে, দিনজোৰা কাৰ্যসূচীৰ অংশৰূপে বিদ্যালয়সমূহত বিজ্ঞান বিষয়ক কৰ্মশালা অনুষ্ঠিত কৰা হয় য'ত কপিলী খণ্ডৰ জ্যেষ্ঠ গাণনিক সৌমিত্ৰ পাল,চি আৰ চি চি সকল ক্ৰমে দেবদত্ত দাস, গিৰীণ বৰকাকতি, পাৰ্থ প্ৰতিম দেৱনাথ, ৰঞ্জনজ্যোতি মহন্ত, প্ৰণৱজ্যোতি নাথ, জয়শ্ৰী শইকীয়া, সঞ্জীৱ নাথ, গকুল নাথ,হেমন্ত বৰাকে ধৰি বিদ্যালয়সমূহৰ শিক্ষকসকল উপস্থিত থাকি ছাত্ৰ- ছাত্ৰীসকলক বিজ্ঞান-গণিতৰ বিভিন্ন কৌশল শিকোৱাৰ লগতে দৈনন্দিন জীৱনত বিজ্ঞান-গণিতৰ অপৰিসীম ব্যৱহাৰ সন্দৰ্ভত বক্তব্য ৰাখে।
Comments
Post a Comment