আজি পৰ্যন্ত উদ্ধাৰ নহল জি এম চি এইচ ৰ পৰা চুৰি হোৱা ৭ মহীয়া শিশু প্ৰিয়ম কলিতাৰ

## আজি  পৰ্যন্ত উদ্ধাৰ নহল জি এম চি এইচ ৰ  পৰা চুৰি হোৱা   ৭ মহীয়া  শিশু প্ৰিয়ম কলিতাৰ  ##                                  ### অনুসন্ধানত ৮ দিনে ব্যৰ্থ মহানগৰ আৰক্ষী ###               দৈনিক আমাৰ প্ৰণাম  ২১ এপ্ৰিল ::::      গুৱাহাটী চিকিৎসা মহাবিদ্যালয় হস্পিতাল চমুকৈ    জি এম চি এইচৰ শিশু    ৱাৰ্ডৰ  পৰা যোৱা ১৩ এপ্ৰিলৰ ৰাতিপুৱা ৪ - ৩০ বজাৰ পৰা  চুৰি হয়  হাজোৰ কলিতাকুছিৰ নৱ কলিতা আৰু বুজিমনি কলিতাৰ  ৭ মহীয়া পুত্র প্ৰিয়ম কলিতাৰ । ইয়াৰ পিছতে পৰিয়ালৰ লোকে ভঙাগড় আৰক্ষী থানাত এজাহাৰ দাখিল কৰিছিল । ভঙাগড় আৰক্ষীয়ে লগে লগে জি এম চি এইচৰ অধীক্ষকৰ লগত চি চি টিভি কেমেৰা নিৰিক্ষণ কৰিছিল । সেই চিচি টিভি কেমেৰাত কেনেদৰে  শিশুটোক এগৰাকী মাস্ক  আৰু শাৰী পিন্ধা মহিলাই  শিশু ৱাৰ্ডৰ পৰা ৭ মহীয়া শিশুটোক  অপহৰণ কৰি নিছিল সমগ্ৰ দৃশ্য  প্ৰায় ১০ টা কেমেৰাত বন্দী হৈ পৰিছিল । মহানগৰ আৰক্ষীৰ শীৰ্ষ আৰক্ষী বিষয়া আৰু ক্ৰাইম বাঞ্চে জি এম চি এইচত উপস্থিত হৈ  জি এম চি এইচৰ অধীক্ষক ডা : অভিজিৎ  শৰ্মা লগত  লৈ সমগ্ৰ ঘটনাটো তদন্ত কৰিছিল   ।  চি চি টিভিৰ কেমেৰাত   মহিলা গৰাকী চিনাক্ত হোৱাৰ পিছতো  গেপ্তাৰ নহল  অপহৰণকাৰী মহিলা গৰাকী ।   জি এম চি এইচৰ বাহিৰে ভিতৰে  অসম আৰক্ষী  , হোমগাৰ্ড , বেটেলিয়ান , ছিকুৰিটি থকাৰ লগতে জি এম চি এইচৰ গাতে লাগি আছে  ভঙাগড়  আৰক্ষী থানা  তাৰ পিছতো কিদৰে  শিশুটো চুৰি কৰি লৈ গল তাক লৈ বিভিন্ন মহলত প্ৰশ্ন হৈছে । যিমানে দিন গৈছে  সিমানে ৰহস্যজনক হৈ পৰিছে সমগ্ৰ ঘটনা ।  এক প্ৰকাৰ শিশুটোৰ সন্ধান ওলোৱাত মহানগৰ আৰক্ষী ব্যৰ্থ হৈছে নে আৰক্ষী হেমাহি হৈছে তাক লৈ  বহুতে  প্ৰশ্ন তুলিছে ।