Anganwadi Workers: অংগনৱাড়ী কৰ্মীসকলৰ ভৱিষ্যৎ নিশ্চিত কৰাক লৈ গুৰুত্বপূৰ্ণ ৰায় উচ্চতম ন্যায়ালয়ৰ
Anganwadi Workers: আদালতে এইটোও সোঁৱৰাই দিছিল যে অংগনৱাড়ী কৰ্মীসকলেও কোৰোনাৰ সময়ত গুৰুত্বপূৰ্ণ দায়িত্ব পালন কৰিছিল।
উচ্চতম ন্যায়ালয়ে অংগনৱাড়ী কৰ্মীসকলৰ ভৱিষ্যত নিশ্চিত কৰিবলৈ এক গুৰুত্বপূৰ্ণ সিদ্ধান্ত লৈছে। শীৰ্ষ আদালতখনে কয় যে অংগনৱাড়ী কৰ্মী আৰু সহায়কসকল স্বাস্থ্যকৰ আৰু সুৰক্ষিত জীৱনৰ অধিকাৰী। তেওঁলোকৰ ভালদৰে জীয়াই থকাৰ অধিকাৰ আছে। সেয়েহে, অংগনৱাড়ী কেন্দ্ৰৰ চাকৰিৰ বাবে তেওঁলোক গ্ৰেচুইটি (Gratuity)ৰ অধিকাৰী। ন্যায়ালয়ৰ ৰায়ৰ পিছত দেশৰ বিভিন্ন প্ৰান্তৰ তৃণমূল পৰ্যায়ত কাম কৰা ২৫ লাখ অংগনৱাড়ী কৰ্মী আৰু সহায়কসকলক লাভান্বিত হ'ব পাৰে।
আদালতে (Supreme Court) কয় যে অংগনৱাড়ী কৰ্মী আৰু সহায়কসকলৰ বাবে উন্নত কামৰ পৰিস্থিতি বাঞ্ছনীয়। সেয়েহে, গ্ৰেচুইটি পৰিশোধ আইন, ১৯৭২ তেওঁলোকৰ ক্ষেত্ৰতো প্ৰযোজ্য। কেন্দ্ৰীয় আৰু ৰাজ্য চৰকাৰসমূহে সকলো সুবিধা পোৱাটো নিশ্চিত কৰিবলৈ উপযুক্ত ব্যৱস্থা ল'ব লাগিব।
ন্যায়াধীশ অভয় এছ ওকা আৰু অজয় ৰস্তোগীৰ খণ্ড বিচাৰপীঠে সোমবাৰে নিৰ্দেশটো প্ৰদান কৰিছিল। ন্যায়ালয়ে কয় যে কামৰ প্ৰকৃতি বিবেচনা কৰি অংগনৱাড়ী কৰ্মী আৰু সহায়কসকলৰ (Anganwadi employees) জীৱনৰ মান উন্নত কৰাৰ আৰু তেওঁলোকক ভাল সেৱা প্ৰদান কৰাৰ সময় আহি পৰিল। কেন্দ্ৰীয় চৰকাৰৰ বীমা আঁচনিৰ অধীনত তেওঁলোকৰ বাবে উপলব্ধ লাভালাভবোৰো অতি সামান্য। সেয়েহে, কেৱল কেন্দ্ৰীয় চৰকাৰেই নহয়, ৰাজ্য চৰকাৰেও অংগনৱাড়ী কৰ্মী আৰু সহায়কসকলৰ দুখ আৰু দুৰ্দশা আঁতৰ কৰা উচিত। যিসকলে সমাজৰ এনে এক গুৰুত্বপূৰ্ণ দায়িত্ব চম্ভালি আছে, তেওঁলোকৰ প্ৰাপ্য অধিকাৰ আছে।
উল্লেখ্য, অংগনৱাড়ী কৰ্মী আৰু সহায়কসকলক গ্ৰেচুইটিৰ অধীনলৈ অনাৰ দীৰ্ঘদিনীয়া দাবী চলি আহিছে। এই সন্দৰ্ভত অৱসৰপ্ৰাপ্ত অংগনৱাড়ী কৰ্মী আৰু সহায়কসকলৰ হৈ এখন ৰাজহুৱা স্বাৰ্থৰ মোকৰ্দমা দাখিল কৰা হৈছিল। যেতিয়া উচ্চ ন্যায়ালয়ে এই গোচৰ খাৰিজ কৰিছিল, তেওঁলোকে উচ্চতম ন্যায়ালয়ৰ কাষ চাপিছিল। অৱশ্যে, গুজৰাট চৰকাৰে ইয়াৰ বিৰোধিতা কৰিছিল আৰু প্ৰতিবাদী আবেদন দাখিল কৰিছিল (Anganwadis are eligible for gratuity benefits)।
গুজৰাট চৰকাৰে আদালতত দাবী কৰিছিল যে অংগনৱাড়ী কৰ্মীসকলক গ্ৰেচুইটি পৰিশোধ কৰিলে ৰাজ্যখনৰ ডিঙিত ২৫ কোটি টকাৰ অৰ্থনৈতিক বোজা পৰিব। কেন্দ্ৰীয় চৰকাৰৰ পৰামৰ্শদাতাই কৈছিল যে অংগনৱাড়ী কেন্দ্ৰৰ পৰা কোনো ব্যৱসায়িক লাভ নাই। এইটো কেৱল এটা ৰাজহুৱা কল্যাণ প্ৰকল্প। এইটো অসংগঠিত খণ্ডত পৰে। গতিকে গ্ৰেচুইটিৰ প্ৰশ্ন উত্থাপিত নহয়।
কিন্তু সোমবাৰে শুনানিৰ সময়ত, আদালতে গুজৰাট চৰকাৰ আৰু কেন্দ্ৰৰ যুক্তি খাৰিজ কৰে। বিচাৰকসকলে কৈছিল যে দূৰৱৰ্তী গ্ৰাম্য অঞ্চলৰ শিশুসকলক পুষ্টি প্ৰদান কৰাত অংগনৱাড়ী কৰ্মী আৰু সহায়কসকলে এক গুৰুত্বপূৰ্ণ ভূমিকা পালন কৰে। ভৱিষ্যত সমাজৰ ভেটি গঢ়াৰ দায়িত্ব তেওঁলোকৰ কান্ধত আছে। সেয়েহে, অংগনৱাড়ী কৰ্মী আৰু সহায়কসকলক সংগঠিত খণ্ডৰ পৰিধিৰ অধীনত ৰাখি তেওঁলোকৰ স্বাস্থ্যৱান জীৱনৰ অধিকাৰৰ পৰা বঞ্চিত কৰিব নোৱাৰি। আদালতে এইটোও সোঁৱৰাই দিছিল যে অংগনৱাড়ী কৰ্মীসকলেও কোৰোনাৰ সময়ত গুৰুত্বপূৰ্ণ দায়িত্ব পালন কৰিছিল।
ৰাজ্য চৰকাৰৰ কৰ্মচাৰীসকলৰ বাবে ডাঙৰ খবৰ!
এই বকেয়া ধন কৰ্মচাৰীসকলৰ বেংক একাউণ্টত এটা কিস্তিত প্ৰদান কৰা হ’ব।
অসম চৰকাৰৰ কৰ্মচাৰীসকলৰ বাবে ডাঙৰ খবৰ। চৰকাৰে সোমবাৰে চৰকাৰী কৰ্মচাৰী, পেঞ্চনভোগী, ফেমিলী পেঞ্চন হোল্ডাৰ, এক্সট্ৰাঅৰ্ডিনেৰী পেঞ্চন হোল্ডাৰসকলক ৩ শতাংশ বৃদ্ধিৰ সৈতে ডিএ, ডিআৰ প্ৰদান মঞ্জুৰি প্ৰদান কৰিছে।
সংশোধিত নিৰিখ ১ জানুৱাৰী ২০২২ৰ পৰা কাৰ্যকৰী হ’ব। কৰ্মচাৰী আৰু পেঞ্চনভোগীসকলে বেছিক পে’–বেছিক পেঞ্চনৰ ৩৪ শতাংশ হাৰত ডিএ–ডিআৰ লাভ কৰিব।
এই নিৰ্দেশনা সেইসকল কৰ্মচাৰীৰ বাবে কাৰ্যকৰী হ’ব যিসকলক ৪ এপ্ৰিল ২০১৬ৰ পৰা সংশোধিত পে স্কেললৈ অনা হৈছিল আৰু যিসকলক ১ এপ্ৰিল ২০১৬ৰ পূৰ্বে প্ৰচলিত পে’ স্কেল ধৰি ৰখাৰ বাবে নিৰ্বাচিত হৈছিল। এই বকেয়া ধন কৰ্মচাৰীসকলৰ বেংক একাউণ্টত এটা কিস্তিত প্ৰদান কৰা হ’ব।
Published by:Sanjay Kumar Das
Elon Musk to buy Twitter : জল্পনা–কল্পনাৰ অৱসান, ৪৪ বিলিয়ন মাৰ্কিন ডলাৰত টুইটাৰ ক্ৰয় কৰিলে এলন মাস্কে!
৪৪ আৰব ডলাৰ তেওঁ টুইটাৰ কিনাৰ কথা ঘোষণা কৰিছে আৰু এই চুক্তি এই বছৰতে সম্পূৰ্ণ হ’ব
সকলো জল্পনা–কল্পনাৰ অৱসান। মাইক্ৰ’ব্লগিং ছচিয়েল নেটৱৰ্কিং প্লেটফৰ্ম টুইটাৰ ক্ৰয় কৰিলে বিশ্বৰ সবাতোকৈ ধনী উদ্যোগপতি এলন মাস্কে। তেওঁৰ ৪৪ বিলিয়ন ডলাৰৰ প্ৰস্তাৱত অৱশেষত সন্মতি প্ৰদান কৰিছে টুইটাৰ ব’ৰ্ডে। অৰ্থাৎ এইবাৰ মাস্কে টুইটাৰৰ মালিকীস্বত্ব পোৱাৰ বিষয়টো চূড়ান্ত।
৪৪ আৰব ডলাৰ তেওঁ টুইটাৰ কিনাৰ কথা ঘোষণা কৰিছে আৰু এই চুক্তি এই বছৰতে সম্পূৰ্ণ হ’ব। ডিল ক্ল’জ হ’লেই এলন মাস্কৰ হাতলৈ আহিব টুইটাৰ সম্পূৰ্ণ নিয়ন্ত্ৰণ আৰু টুইটাৰ ব্যক্তিগত কোম্পানী হ’ব।
টুইটাৰৰ শ্বেয়াৰে প্ৰতি ৫৪.৪২ মাৰ্কিন ডলাৰ দিবলৈ ৰাজি হয় এলন মাস্ক। ফলত সমগ্ৰ টুইটাৰৰ মূল্য উঠে ৪১ বিলিয়ন মাৰ্কিন ডলাৰ। ভাৰতীয় মুদ্ৰাত এই টকাৰ পৰিমাণ হ’ল ৩ কোটি ১২ হাজাৰ ১৪৯ কোটি টকাৰো অধিক। এই প্ৰস্তাৱ টুইটাৰে গ্ৰহণ কৰে নে নাই, তাক লৈ ইমান দিনে জল্পনা–কল্পনা আছিল যদিও অৱশেষত সন্মতি প্ৰকাশ কৰিলে টুইটাৰ ব’ৰ্ডে। অৰ্থাৎ এইবাৰ চৰকাৰীভাৱে টুইটাৰৰ মালিকীস্বত্ব আহিব মাস্কৰ হাতলৈ।
Child Abduction Case: সন্ধান ওলাইছে GMCHৰ পৰা অপহৃত শিশুৰ, ৰাজ্যৰ বাহিৰত থকাৰ তথ্য লাভ আৰক্ষীৰ
যোৱা ১৩ এপ্ৰিলৰ পুৱা GMCHৰ পৰা অপহৰণ কৰা হৈছিল এটা ৭মহীয়া কণমানিক। চিকিৎসাধীন অৱস্থাত থকা কণমানিটোক এগৰা়কী মহিলাই অপহৰণ কৰি নিয়াৰ দৃশ্যাংশ বন্দী হৈ ৰৈছিল CCTV কেমেৰাত ৷ অপহৰণৰ প্ৰায় ১০টা দিন উকলি যোৱাৰ পিছতো অপহৃত শিশুটোৰ সন্ধান উলিয়াব নোৱৰা মহানগৰৰ ক্ৰাইম বাঞ্চে অপহৰণকাৰী মহিলাগৰাকীৰ ফটো ৰাজহুৱা কৰিছিল সংবাদমাধ্যমৰ আগত ৷
কিন্তু শেহতীয়াকৈ আমাৰ হাতত পৰা তথ্য মতে, কণমানিটোক অপহৰণ কৰিয়ে বিক্ৰী কৰি দিছিল শুৱালকুছিৰ এটা পৰিয়ালক৷ পৰিয়ালটোৱে শিশুটি ক্ৰয় কৰাৰ কথা অচিনাক্ত এগৰাকী মহিলাই খবৰ দিছিল অপহৃত শিশুটিৰ পিতৃ-মাতৃক৷ পিতৃ মাতৃয়ে লগে লগে আৰক্ষীক খবৰ দিছিল ৷
আৰক্ষীয়ে অভিযান চলাই মানে দম্পতীটোৱে চিকিৎসাৰ বাবে উৰা মাৰিছিল চেন্নাইলৈ৷ লগত লৈ গৈছিল শিশুটিৰ লগতে অপহৰণ কৰি নিয়া মহিলাগৰাকীক৷ মহানগৰ ক্ৰাইম বাঞ্চে চেন্নাই আৰক্ষীৰে যোগাযোগ কৰি সোমবাৰে নিশা এখন হোটেলত অভিযান চলাই যদিও উদ্ধাৰ কৰিব সক্ষম নাই শিশুটো ৷ কিন্ত আশা কৰা হৈছে আজি দিনটোৰ ভিতৰতে সুকলমে উদ্ধাৰ কৰিবলৈ সক্ষম হ'ব শিশুটো৷
Comments
Post a Comment