তিনি অপহৃত ব্যক্তিৰ মুক্তিৰ দাবী মানৱ অধিকাৰ তথা সমাজ কৰ্মী ডঃ দিব্যজ্যোতি শইকীয়াৰ
ডঃ দিব্যজ্যোতি শইকীয়াই কয় যে অনাকাংক্ষিত ভাবে তিনি অসমীয়া খিলঞ্জীয়া অ এন যি চি কৰ্মচাৰীক অপহৰণ কৰি সন্দেহযুক্ত আলফাই সমগ্ৰ অসমবাসীৰ লগতে বিশ্ব বাসীৰ ওচৰত স্বাৰ্থপৰ স্বৰূপ উদঙাই দেখুৱাইছে।
সততে বিপ্লৱৰ কথা কোৱাৰ লগতে থলিগিৰীৰ কথা কোৱা এই অপহৰণকাৰী সন্দেহযুক্ত আলফাই তৈল ক্ষেত্ৰ, প্ৰাকৃতিক সম্পদ আদিৰ অধিকাৰৰ কথা কোৱাৰ লগতে থলগিৰীৰ নিয়োগৰ কথা সময়ে সময়ে কৈ আহিছে কিন্তু ধেমাজি কাণ্ডকে ধৰি এনে বহু উদাহৰণৰ লগতে শেহতীয়াকৈ তিনিজনকৈ অসমীয়া খিলঞ্জীয়ক অপহৰণ কৰি তেঁওলোকে পুনৰবাৰ সন্ত্ৰসবাদীৰ চৰিত্ৰ প্ৰকাশ কৰিছে। যদি তেওঁলোকৰ কেন্দ্রীয় চৰকাৰৰ বিৰুদ্ধে কিবা কৰিবলগীয়া আছে তেতিয়া হলে কেন্দ্ৰীয় চাৰকাৰলৈ বাৰ্তা প্ৰেৰণ কৰক। আলফাৰ এনেবোৰ কাৰ্য্য কলাপৰ পৰা থলুৱা যুৱপ্ৰজন্মই কি সাহসত অ এন জি চি বা তৈল ক্ষেত্ৰত চাকৰি কৰিবলৈ সাহস কৰিব ই এক চিন্তাৰ বিষয়। ডঃ শইকীয়াই পুনৰ কয় যে কেন্দ্ৰীয় চৰকাৰৰ সৈতে শান্তি আলোচনা কৰাৰ পৰিবেশ সৃষ্টি কৰক আৰু আহ্বান যে মানবীয় দৃষ্টিৰে শীঘ্ৰে তিনি অপহৃত ব্যক্তিক মুক্তি দিয়া উচিত। সংশ্লীষ্ট কৰ্তৃপক্ষৰ উপৰি কেন্দ্ৰ আৰু ৰাজ্য চৰকাৰে যাতে উক্ত অপহৰণ কাণ্ডৰ সন্দৰ্ভত উচিত ব্যৱস্থা গ্ৰহণ কৰে তাৰ বাবেও তেওঁ দাবী জনায়।
Comments
Post a Comment