নগাঁৱৰ গৰৈমাৰীত বাইক-ট্ৰাকৰ মুখামুখি সংঘৰ্ষত গুৰুত্বৰভাবে আহত এক

নগাঁৱৰ পৰা জয়ন্ত মুদৈ, ২৪ জুলাইঃ নগাঁও জিলাৰ ৰাইদঙীয়াৰ সমীপৰ গৰৈমাৰীত আজি সংঘটিত হোৱা এক ভয়াৱহ পথ দুৰ্ঘটনাত এজন লোক গুৰুত্বৰভাবে আহত হয় ৷ প্ৰাপ্ত খবৰ মতে, নগাঁও-ধিং সংযোগী গড়কাপ্তানী পথৰ গৰৈমাৰীত নগাঁও চহৰৰ ফালৰ পৰা আহি থকা এ এছ ইউ ৪১৬৯ নম্বৰৰ তীব্ৰ বেগী ট্ৰাকখনৰ লগত ৰাইদঙীয়াৰ দিশৰ পৰা নগাঁও চহৰ অভিমুখে আহি থকা এ এছ-০১-এ এ ০৮৯২ নম্বৰৰ বাইকখনৰ মুখামুখি সংঘৰ্ষ লগাত দুৰ্ঘটনাটো সংঘটিত হয় ৷ ফলত বাইক আৰোহী ৰাইদঙীয়াৰ দাঁতিকাষৰীয়া হাতীযুঁজোৱাৰ চিৰাজুল ইছলাম(৫০) গুৰুত্বৰভাবে আঘাতপ্ৰাপ্ত হয় ৷ লগে লগে স্থানীয় ৰাইজে আহত বাইক আৰোহী লোকজনক উদ্ধাৰ কৰি সংকটজনক অৱস্থাত নগাঁও চহৰলৈ চিকিৎসাৰ বাবে প্ৰেৰণ কৰে ৷ আচলতে ট্ৰাকৰ দৌৰাত্মৰ বাবেই এই ঘটনা সংঘটিত হৈছে বুলি স্থানীয় ৰাইজে মত প্ৰকাশ কৰিছে।

===================